Galileo

Aplikacionet e Google rikthehen tek smartfonët e ish markës së Huawei

Pasi u shkëput nga Huawei, marka e smartfonëve buxhetorë Honor mund të përfshijë aplikacionet Google në telefonët e saj.

Kompania zbuloi se këto aplikacione tashmë janë para-instaluar në Honor 50 dhe Honor 50 Pro.

Honor ka opsionin për të përfshirë Google Mobile Services në pajisjet e saj. Pasi Huawei u vendos në listën e zezë në 2019-ën nga SHBA, nuk mund të përdorte aplikacionet dhe shërbimet e Google në pajisjet e saj.

Kjo politikë aplikohej edhe mbi brendin Honor nën pronësi e Huawei. Sakaq ky i fundit filloi lançimin e sistemit operativ që do të zëvendësojë Androidin e Google quajtur Harmony OS.

Pajisjet Honor 50 kanë procesorin Snapdragon 778G 5G dhe të dy vinë me ekran 120Hz. Smartfonët kanë katër kamera të pasme ku sensori kryesor është 108-megapiksel.

Bateria prej 4,300 mAh karikohet me 66-vat. /PCWorld Albanian

Zbulohen karakterisitikat e Windows 11 – Çfarë është risi?

Microsoft thuhet se do të nxjerrë versionin e ri të sistemit operativ Windows 11, shkruan Klan.al.

Modele të ngjashme të saj, të që mendohet se si do të jetë, kanë dalë në internet përpara se vetë kompania ta prezantonte, transmeton lajmi.net.

Windows 11 duket se do të ngjaso me sistemin macOS të Apple nëse i referohemi ikonave të desktopit.

Këtë sistem të ri nuk mund ta shkarkoni ende, pasi Microsoft nuk ka konfirmuar një datë zyrtare.

Sidoqoftë, 1 orë pas publikimit në internet të këtyre fotove, reagoi vetë kompania në Twitter duke thënë se për Windows 11 do të ketë njoftim zyrtar më vonë gjatë këtij muaji.

“Ky është vetëm fillimi. Qëndroni gati më 24 Qershor në orën 11:00 për të parë se çfarë do të ndodhë më tej”, njoftoi Microsoft.

Ekspertët thonë se shumë prej elementeve të softuerit duket se janë të njëjta me të Windows 10, por kjo për shkak se Microsoft mund të jetë ende duke i zhvilluar.

Por për të mësuar më shumë do të duhet të presim njoftimet nga kompania Microsoft. /Lajmi.net/

Zbulohet karakterisitikat e Windows 11 – Çfarë është risi?

Microsoft thuhet se do të nxjerrë versionin e ri të sistemit operativ Windows 11, shkruan Klan.al.

Modele të ngjashme të saj, të që mendohet se si do të jetë, kanë dalë në internet përpara se vetë kompania ta prezantonte, transmeton lajmi.net.

Windows 11 duket se do të ngjaso me sistemin macOS të Apple nëse i referohemi ikonave të desktopit.

Këtë sistem të ri nuk mund ta shkarkoni ende, pasi Microsoft nuk ka konfirmuar një datë zyrtare.

Sidoqoftë, 1 orë pas publikimit në internet të këtyre fotove, reagoi vetë kompania në Twitter duke thënë se për Windows 11 do të ketë njoftim zyrtar më vonë gjatë këtij muaji.

“Ky është vetëm fillimi. Qëndroni gati më 24 Qershor në orën 11:00 për të parë se çfarë do të ndodhë më tej”, njoftoi Microsoft.

Ekspertët thonë se shumë prej elementeve të softuerit duket se janë të njëjta me të Windows 10, por kjo për shkak se Microsoft mund të jetë ende duke i zhvilluar.

Por për të mësuar më shumë do të duhet të presim njoftimet nga kompania Microsoft. /Lajmi.net/

Banka Botërore refuzon përdorimin e Bitcoin si monedhë zyrtare nga shteti i El Salvadorit

Banka Botërore ka refuzuar një kërkesë të shtetit të El Salvadorit për ta ndihmuar në implementimin e Bitcoin si një monedhë zyrtare.

Institucioni ndërkombëtar arsyetoi refuzimin për mungesën e transparencës dhe impaktin mjedisor që gërmimit të Bitcoin.

Në fillim të muajit Qershor vendi i Amerikës Qendrore zbuloi planet për tu bërë i pari vend në botë që adopton bitcoin formalisht si monedhë zyrtare krahas dollarit Amerikan.

Vendimi i Bankës Botërore do të thotë se El Salvadorin e presin probleme me implementimin e monedhës.

Ditën e Mërkure Ministri i Financave të El Salvadorit kishte kërkuar mbështetje teknike me implementimin e kriptomonedhës si formë zyrtare pagesash.

Vendi është i pari në botë që e klasifikon Bitcoin si monedhë zyrtare ndërsa Presidenti e përshkruhen si moment historik. Një prej arsyeve për adoptimin e bitcoin si monedhë zyrtare janë lehtësitë në dërgesat jashtë vendit me kosto më të ulët dhe shpejtësi të lartë.

Ekonomia e El Salvadorit mbështetet fuqimisht në remitanca të cilat përbëjnë 20% të GDP-së së vendit. /PCWorld Albanian

iPhone me jailbreaking janë kërcënim për kompanitë ku punoni

Për ata që dëshirojnë të personalizojnë iPhone e tyre, jailbreaking ka qenë gjithmonë një mënyrë ekselente për ta bërë këtë.

Por kundër këtij fenomeni nuk është vetëm Apple. Microsoft së fundi ka dërguar një përditësim në Windows Defender for Endpoint i cili do të lajmërojë përdoruesin nëse identifikon një iOS që ka kaluar nëpër jailbreak dhe është në rrjetin e kompanisë ku ai punon.

Windows Defender for Endpoint është një softuer i sigurie i dizajnuar për bizneset dhe që identifikon çdo kërcënim në nivel kompanie.

Nëse punoni një një biznes që përdor Windows Defender for Endpoint, mbase duhet të shmangni jailbreaking.

Softueri do të paralajmëroi ekipet e sigurisë nëpër kompani nëse zbulon një iPhone të tillë në rrjet dhe më pas ekipi mund të vendosë nëse do tja bllokojë aksesin në rrjet.

Microsoft do të etiketojë këto pajisje si nivel i lartë kërcënimi sigurie. /PCWorld Albanian

Greenroom është përgjigja e Spotify ndaj Clubhouse

Spotify lançoi ditën e sotme Greenroom, përgjigjen ndaj Clubhouse për iOS dhe Android duke shënuar përpjekjen e parë në krijimin e një platforme të medias sociale.

Aplikacioni shumë i ngjashëm me Clubhouse, ju jep përdoruesve mundësinë për të hostuar biseda live rreth sportit, muzikës dhe kulturës.

Lançimi i ditës së sotme inkurajon përdoruesit të regjistrohen dhe mësojnë sesi të përdorin aplikacionin. Disa prej funksionaliteteve kyçe të tij do të gjejnë rrugën për në aplikacionin kryesor të Spotify.

Aplikacioni është i fokusuar vetëm në përmbajtjet sportive. Përdoruesit mund të kyçen në aplikacion duke përdorur kredencialet e Spotify edhe pse nuk është e kërkuar.

Thuajse çdo kompani teknologjike duket e fokusuar në rrjetet sociale audio, diçka që nuk ekzistonte deri në Mars të 2020-ës kur Clubhouse debutoi.

Që atëherë Twitter ka lançuar Spaces, Facebook Rooms dhe kompani të tjera si Slack, Linkedin, Reddit dhe Discord kanë ndërtuar produkte të ngjashme. /PCWorld Albanian

Radeon 6900 XT Liquid Edition është një kartë grafike me ftohje të lëngshme

AMD lançoi ditën e sotme një variant të ri Radeon 6900 XT me ftohje të lëngshme. Sistemi ekstra i ftohjes do të thotë se karta mund të punojë në frekuenca më të larta dhe si rezultat performancë më e lartë.

Radeon RX 6900 XT Liquid Edition ka memorie të më shpejtë prej 18Gbps në vend të 16Gbps që gjenden në modeli standard RX 6900 XT.

Ky edicion ka një ventilator të vetëm ngjitur me kartën përmes një tubi të kalon lëngu i ftohjes. AMD përdor të njëjtën numër bërthamash, 16GB memorie, 128MB Cache si modeli standard.

Por ka frekuencë më të lartë prej 2250Mhz në vend të 2015Mhz. Normalisht kjo përkthehet edhe në konsum më të lartë të energjisë, një rritje me 30-vat në 330-vat në total.

Karta grafike është ekskluzivisht e integruar në sisteme të ndërtuara dhe vështirë të gjendet veçmas. /PCWorld Albanian

 

OnePlus shkrihet me Oppo

OnePlus dhe Oppo ka vendosur ta bëjnë zyrtare. Pasi bashkëpunuar ngushtë prej ca kohësh, kompanitë kanë vendosur të shkrihen bashkë me OnePlus që do të bëhet një filial i Oppo.

Të dy brendet janë në pronësi të BBK Electronics, andaj lëvizja ka të bëjë më shumë me menaxhimin e resurseve dhe formalizimin e bashkëpunimit të tyre.

Bashkëthemeluesit e OnePlus Pete Lau dhe Carl Pei kanë qenë punonjës së Oppo. Lau, i cili është CEO i OnePlus mori një rol të dytë drejtues në Oppo në Maj të 2020.

Sipas Lau lëvizja do ti japë OnePlus akses në më shumë resurse për të zhvilluar produkte më të mira. “Do të jemi më efikasë, si përshembull, të sjellim përditësime më të shpejta dhe stabile të softuerit për përdoruesit e OnePlus,” tha Leu.

Edhe pse do të jetë nën çadrën e Oppo, Lau thotë se OnePlus do të operohet në mënyrë të pavarur. OnePlus do të ketë produktet e veta dhe të ndërveprojë me konsumatorët në mënyrë direkte. /PCWorld Albanian

Google Messages me enkriptim fundor

Google ka vendosur të ofrojë enkriptimin fundor për të gjithë përdoruesit e aplikacionit Messages. Testuesit beta kanë përdorur enkriptimin fundor që prej Nëntorit.

Aktualisht E2EE është i disponueshëm vetëm për bisedat mes dy përdoruesve dhe jo grupet. Të dy bashkëbiseduesit duhet të kenë të aktivizuar opsionet RCS për të përfituar enkriptimin fundor.

Për të kuptuar nëse një mesazh është i enkriptuar do të vëreni një ikonë në formë druri në butonin e dërgimit.

E2EE lançohet këtë javë si pjesë e një përditësimi në Android. Ky përditësim sjell edhe emoji të reja, ndryshime në Assistent, Android Auto dhe Voice Access. /PCWorld Albanian

Njihuni me Windows 11-ën

Windows 11 ekziston dhe detajet e sistemit operativ po publikohen kudo nëpër internet. ishte një përdorues i Baidu i pari që postoi dy imazhe të sistemit operativ këtë mëngjes duke zbuluar një menu start të centralizuar dhe me skaje të rrumbullakëta.

Ky dizajn na kujton Windows 10X që sot nuk është më dhe karakterizohej nga një menusë Start me ikona të qendërzuara.

Menjëherë pas këtyre imazheve, reporterët arritën të merrnin një ISO të Windows 11 dhe ta instalonin vetë. The Verge hyri në detaje duke zbuluar më shumë dhe Windows 11.

Në tërësi nuk është shumë ndryshe me Windows 10-ën edhe pse ka ndryshime të ndërfaqes dhe dizajnit.

Tashmë që po shohim Windows 11, kuptojmë veprimin e Microsoft për të braktisur Windows 10X. Ky sistem operativ fillimisht duhej të shkonte për pajisjet Surface Neo. /PCWorld Albanian