Rrotullohet në Bullgari një kamion, shoferi ishte nga Maqedonia

Shkup, 21 qershor – Një kamion i drejtuar nga një shtetas i Maqedonisë së Veriut është rrotulluar mbrëmë në autostradën “Trakia” në drejtim të Sofjes.

Sinjali është marrë rreth orës 20.30 në drejtorinë rajonale të MPB-së në Pazarxhik, njoftoi BNT.

Siç njoftoi korrespondenti i MIA-s nga Sofja, në vendin e ngjarjes janë dërguar ekipe të policisë rrugore, zjarrfikës dhe ambulancë.

Shoferi nga Maqedonia është dërguar në spitalin e Pazarxhikut. Deri më tani nuk ka të dhëna të tjera për gjendjen shëndetësore të drejtuesit të mjetit.

Kamioni po transportonte plehra, i cili ishte i shpërndarë në rrugë dhe u morën masa për pastrimin e tij.

Qarkullimi nuk është ndërprerë, ai rregullohet nga policia rrugore. Inspektimi është në vazhdim.