Prilep, 10 korrik – Krusheva zë vendin e dëshiruar në hartën turistike të vendit. Edhe në dimer por edhe në verë është një strehë e vërtetë për të shmangur vapën. Edhe për të pushtuar lartësitë. Nëse bëhet fjalë për dashamirët e sporteve alternative dhe sfidave, Krusheva është një vend i mirë për të qëndruar. Dhe për të shmangur plotësisht realitetin kaotik dhe të vështirë. Të paktën për një moment.
Magjepse është pamja nga qielli. Ose që nga qielli e deri te koria e Krushevës dhe fusha. Në qiellin shumëngjyrësh parashutistët nga e gjithë Evropa do të pushtojnë me guxim qiellin blu, duke e përjetuar këtë përvojë.
Kampionati ndërkombëtar i parashutizmit është në kulmin e tij. Ai filloi në qershor dhe do të zgjasin gjatë gjithë verës. Janë pesë gara ndërkombëtare, është edhe Kupa e Botës së Parashitizmiz dhe gara përgatitore për kampionatin botëror të ngritjes së balonave.
Edhe xhirot malore me biçikleta dhe kampingu kanë gjetur vendin e tyre në Korien e Krushevës. Së fundmi, edicioni i gjashtë i festivalit “Kur je në Krushevë” (When in Krushevo) mblodhi mbi 600 pjesëmarrës dhe mbi 6000 vizitorë.
Qyteti më i lartë në Ballkan i dalloi seriozisht perspektivat. Realisht, nuk mund të jetë një qendër ekonomike, por një sensacion turistik – pa mëdyshje. Por nëse duhet të jetë kështu, duhet investuar.
Një nga investimet më të mëdha po realizohet në mënyrë intensive. Projekti i madh i bashkëpunimit ndërkufitar me Elbasanin nga Shqipëria. Fondet evropiane siguruan 730,000 euro për të dy qytetet. Do të përmirësohet infrastruktura, imazhi i Krushevës, pika e ngritjes së parashutave në Meçkin Kamen, trajnimet për hotelierët se si të tërheqin mysafirët dhe turistët… Puna do të jetë intensive këtë vit dhe vitin e ardhshëm.
Projekti mbledh njerëzit e parë të qyteteve në një vend, si në Krushevë ashtu edhe në Elbasan. Së fundmi i gjetëm në Krushevë.
Për Artur Gunin, nënkryetarin e Bashkisë së Elbasanit, projekti është shembull i një Ballkani të hapur.
“Jemi këtu në Krushevë për të marrë pjesë në një punëtori për strategjinë e projektit turistik i cili mbulon kapacitetet e dy komunave. Kjo nuk është vetëm mes dy bashkive, por në thelb është hapi i parë në nismën e bashkëpunimit të përbashkët si në aspektin ekonomik dhe atë kulturor, ashtu edhe në atë sportiv. Ky është Ballkani i Hapur”, tha Guni.
Kurse kryetari i Krushevës Tome Hristoski thekson avantazhin e bashkëpunimit. Për Krushevën zhvillimi i turizmit u bë prioritet.
– Projekti nënkupton rritjen dhe zhvillimin e turizmit. Dikush duhet të përgjojë rritjen e turizmit të aventurës dhe ta mbështesë atë. Prandaj kemi ndërtuar më parë ura bashkëpunimi me Elbasanin. Projekti nënkupton një aeroport shtesë, më normal, më të sigurt dhe më të bukur për Meçkin Kamen.
Vendi i ngritjes së parashutave është i njohur, është një nga tre destinacionet botërore që duhet përmirësuar: me pajisje urbane, me hapësirë parkimi, me bar të ri artificial dhe gjithçka që nevojitet për zhvillimin më të lehtë dhe më efikas të garave ndërkombëtare. Tani do të marrim një hapësirë të re parkimi, shtigje të reja për çiklizëm në zbritje, dy stacione meteorologjike, pajisje urbane, materiale promovuese për të gjithë ata që vijnë. Për të gjithë hotelierët në Krushevë, ne do të ofrojmë trajnim shtesë se si dhe çfarë do të thotë të tërheqësh më shumë turistë, duke pasuruar dhe rritur ekonominë locale”, thotë Hristoski.
Është projekti dhe bashkëpunimi ndërkufitar që do të tërheqë mysafirë nga vendet fqinje, Shqipëria dhe Greqia. Qendra e vëmendjes është – një ofertë më e pasur dhe kushte moderne.
Çdo bashki ka mbështetjen e shtetit për projekte të përbashkëta, për përmirësimin e kushteve të jetesës, për zhvillimin e disa degëve. Këtë e ka konfirmuar zëvendëskryeministri për Çështje Evropiane, Bojan Mariçiq. Ai beson se Krusheva është një histori e suksesshme e bashkëpunimit. Bashkëpunimi ndërkufitar me Shqipërinë ka rreth 14 milionë euro për t’u përdorur dhe duhet të përdoret korniza e dytë e programit IPA, që është në vazhdim, me 664 milionë euro. Fakti është se zbatimi është i ngadalshëm, por sa më shumë projekte dhe ide, aq më i mirë është ndryshimi në jetën e përditshme.
“Qeveria është në dispozicion për të ndihmuar çdo bashki që është e interesuar dhe mund të përdorë paratë evropiane për zhvillim. Edhe në përgatitjen e projekteve edhe në promovimin e tyre, sepse është interesi ynë dhe interesi i BE-së që paratë të përdoren sa më shumë dhe të jenë të dukshme për qytetarët. Pra, Krusheva është një histori e suksesit evropian. Nisma të tilla i japin përmbajtje më të madhe atij bashkëpunimi rajonal ndërmjet shteteve sesa nisma e Ballkanit të Hapur, dhe në këto korniza ne planifikojmë të hapim mundësi për zhvillimin e turizmit dhe kulturës. Mundësitë janë të disponueshme, do të ketë edhe më shumë. Është e rëndësishme që kryetarët e komunave ta njohin këtë mundësi, thotë Mariçiq.
Korniza e parë e programit IPA, nga viti 2007 deri në vitin 2013, ishte 600 milionë euro dhe 664 milionë euro janë në kornizën e dytë, e cila është ende në zbatim. Korniza e tretë programohet vit pas viti. Fondet janë programuar për 2020 dhe 2021.
“Mundësitë janë, varet sa do t’i njohin komunat”, thotë zëvendëskryeministri Mariçiq, i cili së fundmi në Krushevë vlerësoi se qyteti ka njohur mundësitë për shfrytëzimin e fondeve evropiane përmes projektit të bashkëpunimit ndërkufitar me Elbasanin e Shqipërisë.
Krusheva i ka edhe mundësitë edhe, padyshim, iniciativat. Ka turistë të shumtë nga e gjithë Evropa. Parashutistët nga Norvegjia i gjetëm të mahnitur nga pamja, kushtet e fluturimit dhe mundësitë. Kënaqësia e tyre, veçanërisht fluturimi me paraglajder, është reklama më efektive për Krushevën turistike. Për ta është pasion dhe dashuri.
“Erdhëm me një grup parashutistësh të tjerë nga Norvegjia. Ne po e shijojmë këtu, për momentin moti po kthjellon dhe do të kemi fluturime të gjata, shpresojmë deri në dy orë. Vijmë për të shijuar, është një pasion i madh. Vijmë në Krushevë për të fluturuar me parashutë dhe për të shijuar sportin që duam. Unë vij për herë të parë, të tjerët kanë ardhur disa herë. Do të vij sërish”, thotë Linda nga Norvegjia.
Xhon Turman nga Oslo, Norvegji, thotë se është hera e tij e parë që viziton Krushevën dhe i pëlqen veçanërisht parashutizmi.
“Vij për herë të parë në Krushevë. Erdha për të shijuar këtë vend të bukur dhe për të fluturuar me parashutë. Kushtet janë të shkëlqyera si për fluturim po ashtu edhe për ngritje, i plotësojnë standardet”, thotë Thurman.
Këto ditë janë në garë mbi 100 parashutistë evropianë. Do të vijnë edhe të tjerë.
Krusheva edhe këtë verë tregon një histori. Nga lartësitë.
