Bota - Page 907

Turqia kundërshton liderin francez për deklaratën mbi Libinë

Turqia kundërshtoi presidentin e Francës, Emmanuel Macron, për komentet e fundit mbi mbështetjen e Turqisë për qeverinë e njohur ndërkombëtarisht të Libisë, transmeton Anadolu Agency.

Në një deklaratë, zëdhënësi i Ministrisë së Jashtme turke, Hami Aksoy, tha se Macron duke e quajtur mbështetjen e Turqisë për qeverinë e njohur ndërkombëtarisht të Libisë një “lojë të rrezikshme” mund të shpjegohet vetëm si një “abdikim të arsyes”.

Duke injoruar të drejtat legjitime të Turqisë në Mesdheun Lindor dhe duke mbështetur ambiciet “maksimaliste”, Franca vetëm rrit tensionet në rajon në vend që të promovojë paqen dhe stabilitetin, shtoi ai.

Duke akuzuar Parisin se është bashkëpunëtor në kaosin në Libi, Aksoy tha se jo Turqia, por Franca është ajo që po luan një “lojë të rrezikshme”.

Ai i kërkoi Francës dhe Macron që të ndalojnë rrezikimin e sigurisë dhe të ardhmes së Libisë, Sirisë dhe Mesdheut Lindor dhe në vend të kësaj të përdorin kanalet ekzistuese të dialogut.

Pas një takimi me presidentin tunizian Kais Saied në Paris, Macron të hënën vonë kritikoi Ankaranë për mbështetjen e saj për qeverinë libiane kundër gjeneralit puçist, Khalifa Haftar, të mbështetur nga Franca, Egjipti, Emiratet e Bashkuara Arabe dhe Rusia.

Libia është përfshirë nga lufta civile që nga rrëzimi i sundimtarit të ndjerë Muammar Gaddafi në vitin 2011. Qeveria e re e vendit u themelua në vitin 2015 nën një marrëveshje të udhëhequr nga OKB-ja, por përpjekjet për një zgjidhje politike afatgjatë dështuan për shkak të sulmeve ushtarake nga forcat e Haftarit.

OKB e njeh qeverinë libiane të kryesuar nga Fayez al-Sarraj si autoritet legjitim të vendit pasi Tripoli lufton me milicitë e Haftarit.

Qeveria në mars nisi operacionin Stuhia e Paqes kundër Haftarit për të kundërshtuar sulmet e Haftarit mbi kryeqytetin Tripoli, dhe së fundmi çliroi vendet strategjike, duke përfshirë Tarhuna, fortesa e fundit e Haftarit në Libinë perëndimore.

Njerëzit me maska në rrugë, banesa të shkatërruara/ Pamje dramatike nga Meksika pas tërmetit të fuqishëm

Një tërmet i fuqishëm goditi Meksikën dje në shtetin jugor të Oaxaca. Deri më tani raportohet se 5 persona kanë humbur jetën si pasojë e tërmetit dhe dhjetëra të tjerë kanë mbetur të plagosur.

Tërmeti ndodhi në orën 10:29 të mëngjesit, me epiqendër në El Coyol, 6.8 milje në jugperëndim të Santa Maria Zapotitlan në shtetin e Oaxaca.

Ky tërmet vjen tre vjet pas lëkundjeve të forta në shtetin qendror të Puebla, ku vdiqën më shumë se 300 persona.

Image
Image

Bilanci i fundit për koronavirusin në botë

Numri i të infektuarve nga Covid-19 në gjithë botën ka shkuar në 9,3 milionë, përkatësisht 9,359,372 sipas Worldometers.

Ndërkohë numri i viktimave ka arritur në 479,879.

Numri më i madh i vdekjeve është regjistruar në SHBA, me 123,475 viktima, ndërsa pas saj radhiten Brazili me 52,771, Britania e Madhe me 42,927 Italia me 34,675, Franca me 29,720 dhe Spanja me 28,325.

Ndërkaq, në Kinë, vendin e origjinës së virusit, numri total i vdekjeve është 4,634.

Pas shfaqjes në Wuhan të Kinës në dhjetor të vitit të kaluar, pandemia Covid-19 është përhapur në gjithë botën. Deri më tani 5,046,272 të infektuar e kanë mposhtur sëmundjen, kurse aktualisht ka mbi 3,8 milion raste aktive që presin të shërohen.

Edhe kjo ndodhë: Sherr mes dy grave për distancimin social

Një ngjarje tronditëse është shënuar në Kalifroni të SHBA-ve. Në pamjet e bëra virale, shikohet një grua rreth të 60-ave, duke qëndruar në radhë para një nëne dhe fëmijës së saj 10 muajsh, teksa ishin në pritje për të marrë një produkt ushqimor.

Por e moshuara dhe nëna e re, janë konfliktuar me njëra-tjetrën për shkak të distancimit social. Në shenjë “hakmarrje”, raportohet se e moshuara ka pështyrë disa herë mbi foshnjën, ndërsa më pas është larguar nga lokali.

Daily Mail shkruan se identiteti i të moshuarës nuk bëhet i ditur, ndërkohë policia ka nisur një hetim mbi rastin.

Dr. Fauci, nuk ka patur udhëzim për ngadalësim të testimeve për Covid-19

Eksperti i sëmundjeve infektive në Shtetet e Bashkuara, Dr. Anthony Fauci tha të martën se ai dhe anëtarët e tjerë të Grupit të Punës të Shtëpisë së Bardhë për koronavirusin nuk janë udhëzuar të ngadalësojnë testimet për Covid-19, siç ka thënë Presidenti Donald Trump se ai e ka bërë këtë.

“Si një anëtar i grupit të punës, dhe kolegët e mi të grupit të punës, sipas njohurive të mia, unë e di me siguri, se askujt prej nesh nuk u është thënë kurrë që të ngadalësohen testimet. Ky është thjeshtë një fakt. Në fakt, ne do të bëjmë më shumë testime”, tha Dr. Fauci para Komisionit të Dhomës së Përfaqësuesve për Energjinë dhe Tregtinë mbi reagimin e administratës ndaj pandemisë së koronavirusit.

Komentet e Dr. Faucit erdhën vetëm disa orë pasi Presidenti amerikan Donald Trump theksoi se ai ishte serioz në lidhje me atë që tha në fjalimin e tij në një tubim fushate në Tulsa të Oklahomës, të shtunën, kur tha se ai i kishte kërkuar administratës së tij që të ngadalësonte testimet sepse më shumë testime do të zbulonin më shumë raste.

Zyrtarët e Shtëpisë së Bardhë që atëherë janë përpjekur të tërhiqen nga komentet e tij, duke thënë se ato nuk ishin menduar të merreshin seriozisht.

Por kur u pyet nga gazetarët në Uashington të martën mbi atë nëse komentet në tubim ishin bërë me shaka, Presidenti Trump tha: “Unë nuk jam fëmijë. Më lejoni ta bëj këtë të qartë. “

Drejtori i Qendrës Amerikane për Kontrollin dhe Parandalimin e Sëmundjeve, Dr. Robert Redfield, kur u pyet nëse më shumë njerëz duhej të testoheshin në Shtetet e Bashkuara, u përgjigj duke thënë, “Të gjithë ne kemi qenë dhe do të vazhdojmë të jemi të angazhuar për të rritur qasjen në kohë te testimet. Ne kemi bërë një përmirësim të dukshëm dhe kemi ende një rrugë të gjatë përpara.”

Robert Redfield CDC

Shtetet e Bashkuara udhëheqin botën për nga numri i infeksioneve me koronavirus, me mbi 2.3 milionë raste nga më shumë se 9.1 milionë sosh në të gjithë globin, sipas statistikave të përpiluara nga Universiteti Johns Hopkins. Shtete e Bashkuara udhëheqin edhe për nga numri i vdekjeve të konfirmuara nga Covid-19, me më shumë se 120,670.

Seanca dëgjimore e kongresit u zhvillua në përgjigje të rritjes së rasteve të reja të konfirmuara të koronavirusit dhe rritjes së numrit të personave të shtruar në spitale për shkak të sëmundjes në disa pjesë të Shtetevet ë Bashkuara.

Edhe shefi i Administratës së Ushqimit dhe Ilaçeve, Dr Stephen Hahn dhe kreu i Shërbimit Shëndetësor Publik të Shteteve të Bashkuara, Admiral Brett Giroir, dëshmuan në seancën e së martës në Kongres.

Dr. Fauci është në mesin e ekspertëve shëndetësorë që thotë se njerëzit nuk duhet të përqendrohen në valën e dytë të koronavirusit në Shtetet e Bashkuara, sepse vendi ende nuk ka dalë nga vala e tij e parë.

Është një situatë serioze, u tha Dr. Fauci ligjvënësve. “Për momentin, dy javët e ardhshme do të jenë kritike në aftësinë tonë për të trajtuar rritjen e rasteve që ne po shohim në Florida, Teksas, Arizona dhe në shtetet e tjera.”

Lindsey Pettita (ketiga dari kiri), manajer bar The Jackalope berbincang dengan petugas pengawas minuman alkohol Texas untuk memeriksa aturan jarak aman untuk meredam penyebaran virus corona (Covid-19), setelah bar buka kembali, di Austin, Texas, 22 Mei 2

Shumë shtete janë në proces të heqjes së kufizimeve për koronavirusin, pavarësisht rritjes së infeksionit në rreth gjysmën e 50 shteteve amerikane.

Guvernatori i Teksasit, Greg Abbott tha të hënën se rikthimi i kufizimeve do të ishte zgjidhja e fundit, ndërsa tha se virusi po përhapet me një “normë të papranueshme” dhe nuk pranoi të vendosë një urdhër për ta bërë të detyrueshëm përdorimin e maskave në publik. Teksasi ka thyer rekordin ditor të numrit të infeksione të reja për gati dy javë ndërsa po rritet edhe numri i të infektuarve të shtruar në spitale.

Shteti fqinj i Luizianës ka shënuar mbi 3,000 vdekje nga Covid-19, dhe me rritjen e numrit të rasteve, Guvernatori John Bel Edwards tha se ai do të mbante në fuqi kufizimet aktuale që pritej të skadonin të premten.

Shkalla e shtrimit të të infektuarve në spitale është rritur edhe në Xhorxhia, ndërsa numri i rasteve të konfirmuara me koronavirus po rritet në dhjetëra shtete të tjera.

Britania lejon rihapjen e disa bizneseve nga 4 korriku

Restorantet, hotelet dhe parukeritë mund të rihapen më 4 korrik në Britani të Madhe, kur edhe do të lehtësohen masat e distancimit fizik.

Kryeministri britanik, Boris Johnson ka thënë se njerëzit duhet të mbajnë distancën prej 2 metrave kur kanë mundësi, mirëpo prej tani e tutje vlen masa prej “një metër plus”.

Pjesëtarë të dy familjeve do të mund të takohen në ambiente të brendshme, duke mbajtur distancën.

Kryeministri britanik ka paralajmëruar se të gjitha masat janë fleksibile, dhe mund të kthehen mbrapa.

Këshilltari për mjekësi në qeverinë britanike, Chris Whitty, ka thënë se lehtësimi i masave përfaqëson “balancim të arsyeshëm të rrezikut”.

Kryeministrja skoceze, Nicola Sturgeon, ministri i parë i Uellsit, Mark Drakeford dhe Arlene Foster nga Irlanda Veriore, kanë thënë se masa prej dy metrave distancim fizik do të vazhdojë të mbetet në fuqi në vendet e tyre.

Sallat e teatrit, kinematë, libraritë, muzetë, parqet dhe kopshtet zoologjike, janë në mesin e bizneseve që mund të rihapen.

Mirëpo palestrat e brendshme, pishinat, dhe hapësirat tjera të mbyllura sportive do të vazhdojnë të jenë të mbyllura, siç kanë qenë prej kur ka nisur të zbatohet masa e izolimit më 23 mars.

Përgjatë një adresimi qeveritar, Johnson ka thënë se “task-forcat” janë duke shqyrtuar mundësi për të hapur edhe këto institucione.

Sipas të dhënave të Universitetit Johns Hopkins, Mbretëria e Bashkuar ka regjistruar 307,682 persona të prekur me koronavirus.

Prej tyre, 43,011 kanë vdekur.

Amerika Latine raporton mbi 2 milionë të infektuar me Covid-19

Në Amerikën Latine janë raportuar mbi 2 milionë njerëz të infektuar me COVID-19.

Uruguai arriti të kontrollojë pandeminë deri fundjavën e kaluar, kur institucionet regjistruan 37 raste të reja.

Tre ditë më parë, vendi kishte vetëm 12 raste aktive të COVID-19. Po ashtu janë edhe pesë raste të reja në kryeqytetin e Uruguait, Montevideo, dhe në qytetin e quajtur Canelones.

Gjithsej, Uruguaji ka regjistruar 882 raste dhe 25 vdekje. Brazili ka më shumë se 1 milion raste dhe ka regjistruar më shumë se 52 mijë vdekje nga COVID-19.

Meksika gjithashtu regjistroi më shumë se 4 mijë e 700 infeksione të reja brenda 24 orëve, duke arritur mbi 185 mijë raste dhe më shumë se 22 mijë e 500 vdekje.

Në Qytetin e Meksikës, ku tregjet, restorantet dhe bizneset tjera ishin planifikuar të rihapen të hënën, autoritetet vendosën të mbanin bllokimin edhe për një javë.

Kili të hënën e tejkaloi Spanjën me numrin e rasteve të koronavirusit.

Me një popullsi prej 18 milionë, numri i përgjithshëm i njerëzve që janë infektuar nga virusi është rritur në 246.963, sipas raportit të së hënës.

Me një popullsi prej rreth 47 milionë banorë, Spanja ka arritur në 246.504 raste të COVID-19, sipas të dhënave nga Universiteti Johns Hopkins.

Peruja regjistroi 2.511 raste të reja të koronavirusit, dita e saj më e ngadaltë e rritjes së COVID-19 brenda gjashtë javëve, tha qeveria, teksa hapeshin qendrat tregtare.

Peruja është vendi me numrin e dytë më të lartë të rasteve në Amerikën Latine pas Brazilit dhe i shtati në botë.

Numri i rasteve me koronavirus në vend është rritur në 257.447 dhe numri i vdekjeve është në 8.223.

Gjermania ndalon grupin neonazist Nordadler

Ky është ndalimi i tretë i një grupi ekstremist të djathtë në Gjermani këtë vit. Policia bastisi anëtarë të dyshuar të grupit në katër lande federale.

Një grup neonazist i quajtur Nordadler (Shqiponjat Veriore) u ndalua të martën nga Ministria e Brendshme e Gjermanisë.

Policia bëri katër bastisje lidhur me këtë grup në landet federale gjermane të Renanisë-Veriore-Vestfalisë, Saksonisë, Brandenburgut dhe Saksonisë së Poshtme.

Zëdhënësi i Ministrisë së Brendshme të Gjermanisë, Steve Alter e njoftoi ndalimin në Twitter, duke thënë se grupi funksiononte kryesisht në internet.

“Ekstremizmi i krahut të djathtë dhe antisemitizmi nuk kanë vend as në internet,” tha ai.

Ministria tha se grupi ndiqte një ideologji nacionalsocialiste dhe gjithashtu operonte nën katër emra të tjerë. Të gjithë emrat i referoheshin stilit të partisë naziste NSDAP për Gjermaninë, për etninë gjermane: “Völkische Revolution” (Revolucioni Nacional), “Völkische Jugend” (Rinia Nacionale), “Völkische Gemeinschaft” (Komuniteti Nacional) dhe “Völkische Renaisance” (Rilindja Nacionale).

Planifikonin një shoqëri fshatare

Ministria tha që anëtarët e grupit ekstremist të djathtë kishin deklaruar besnikërinë e tyre ndaj Adolf Hitlerit dhe përfaqësuesve të tjerë të rëndësishëm të regjimit nazist dhe përdornin simbolet dhe gjuhën e regjimit nazist.

Ajo tha që Nordadler po planifikonte një projekt nacional-socialist kolonizimi me njerëz të një mendjeje në zonat fshatare të Gjermanisë.

Në vitin 2018, pas bastisjeve të veçuara kundër grupit, themeluesi i dyshuar i Nordadler-it i tha transmetuesit publik NDR se e shihte veten si nazist dhe se po mendoheshin për sulme kundër politikanëve.

Prokuroria Federale njoftoi në atë kohë që grupi kishte provuar të siguronte armë, municion dhe mjete shpërthyese.

Sipas ministrisë, ky është ndalimi i 20-të i një shoqate ekstremiste të krahut të djathtë nga ministria federale e Brendshme e Gjermanisë dhe ndalimi i tretë nga Ministria Federale këtë vit.

Në janar u ndalua “Combat 18” dhe në mars u ndalua “Popujt dhe Fiset e Bashkuara të Gjermanisë”.

aud/aw / msh (dpa, AFP)

Gjykatësi urdhëron presidentin e Brazilit të mbajë maskë në publik kundër koronavirusit

Një gjykatës federal në Brazil, ka urdhëruar sot presidentin Jair Bolsonaro të zbatojë rregullat vendore kundër pandemisë së koronavirusit duke mbajtur maskë fytyre sa herë që është në vende publike në kryeqytetin Brasilia.

Gjatë fundjavave të fundit Bolsonaro shpesherë është parë t’i bashkohet turmave të njerëzve që protestojnë kundër Kongresit dhe Gjykatës së Lartë të Brazilit.

Ai shpesh ka vizituar tregje dhe furra buke pa maska mbrojtëse madje duke mbledhur dhjetra njerëz rreth vetes.

Gjykatësi Renato Coelho Borelli tha sot në vendimin e tij se Bolsonaro “ka ekspozuar njerëz të tjerë ndaj përhapjes së sëmundjes me të cilën vendi po përballet”.

Rregullat federale në Brazil kërkojnë që të gjithë qytetarët të mbajnë maskë sa herë janë në publik dhe shkelja e rregullit penalizohet me gjobë 390 dollarë.

Bolsonaro nuk ka mbajtur shpesh maskë në evente publike ashtu si dhe liderë të vendeve të tjera si Donald Trump në SHBA, Andres Manuel Lopez Obrador në Meksikë, apo Alberto Fernandez në Argjentinë.

Pasqyrë ditore e gjendjes me Kovid-19 në botë

Shkup, 23 qershor 2020 (MEDIAL) – Sipas të dhënave të fundit në botë me koronavirus deri tani janë  infektuar 9.259.554. Prej tyre kanë vdekur 476.004, ndërsa janë shëruar 4.986.516 njerëz.

– Dy persona të infektuar me Kovid-19, burra  të moshës 66 dhe 72 vjet , vdiqën sot në Kosovë, me çka  numri i viktimave  të epidemisë arriti 39. Gjatë ditës së djeshme  janë konfirmuar  42 raste të reja, ndërsa numri i bartësve  të koronavirusit nga fillimi i epidemisë  arrin 2.216. Si të shëruar udhëhiqen  1.069 persona,  prej të cilëve dje janë regjistruar 22. Bartës aktiv të virusit, sipas raportit të  fundit, janë 1.108 persona. Dje janë kryer 314, ndërsa nga fillimi i epidemisë janë kryer 21.831 testime.

– Organizata kombëtare për shëndet publik të Greqisë  tregoi se janë regjistruar 16 raste të reja  me Kovid-19. Nga fillim i epidemisë, në vend ka 3.302 persona të infektuar.

– Numri i të infektuarve me Kovid-19 në Qipro është rritur në 990 persona, prejse  në 24 orët e fundit ishin konfirmuar dy raste të reja   nga 1.067 teste të kryera.

– Në 24 orët e fundit në Kroaci  janë regjistruar 30 të saposëmurë  nga koronavirusi, ndërsa janë testuar  347 persona. Nga fillimi i epidemisë  gjithsej janë infektuar 2.336 persona. Deri tani në Kroaci janë testuar 73.093 persona.  Në shërim spitalor janë 16 pacientë. Numri i tërësishëm i të vdekurve  nga fillimi i epidemisë arrin 107, kumtoi Shtabi kombëtar për mbrojtje  civile.

– Në Slloveni janë konfirmuar 13  raste të reja të personave  të infektuar me koronavirus, që është rritja më e madhe ditore nga data 24 prill, lajmëroi korrespondenti i MEDIAL-s nga Lubjana.

Sipas mbrojtjes civile sllovene, bëhet fjalë para se gjithash për raste  të cilat janë  “importuar” nga Bosnja e Hercegovina.  – Bëhet fjalë  për raste të të infektuarve të cilët virusin e kanë marrë në BeH. Duhet të shprehim edhe lëvdata, sepse të sapoinfektuarit menjëherë janë izoluar, ndërsa janë gjetur  edhe të gjithë ato  me të cilët kanë pasur kontakt”, deklaroi Sreçko Shestan nga Mbrojtja  civile.

– Në 24 orët e fundit  në Slloveni janë bërë gjithsej 984 testime, publikoi Instituti  kombëtar për shëndet publik. Në Qendrat mjekësore në mbarë vendin për shkak të Kovid-19 në spital shërohen pesë pacientë,  ndërsa për shkak të formës  më të rëndë të sëmundjes në kujdes intensiv është vetëm një person.

– Autoritetet shëndetësore në Britani të Madhe treguan se numri i tërësishëm  i të vdekurve nga Kovid-19 në vend arrin 42.927 persona, duke i përfshirë edhe 171 persona të cilët  vdiqën në 24 orët e fundit.

– Ministria e Sëndetësisë në Peru tregoi se  numri i rasteve të reja gjatë ditës së djeshme ishte më i vogël  nga fillimi në muajin maj dhe arrin 2.511, me çka  numri i tërësishëm arriti 257.000. Sipas  Si-En-En, numri i të vdekurve është rritur për 174  ose gjithsej 8.223.

– Në Peru sot është dita e 100-të nga vendosja e gjendjes së jashtëzakonshme në vend,  por autoritetet në kryeqytetin Lima dhe disa qytete tjera  e lejuan  hapjen e sërishme  të qendrave tregtare  që të mundësohet vazhdim  i aktiviteteve ekonomike.

– Në Iran  numri i rasteve të vdekjes nga Kovid-19 sot arrin 121,  që është bilanci  më i madh ditor në dy muajt e fundit. Numri i tërësishëm i të vdekurve  deri tani arrin 9.863 persona. Në 24 orët e fundit  të sapoinfektuar janë  2.445 persona, me çka numri i tërësishëm arriti 209.970.  sa/

Таг