Ministria kineze e Tregtisë: Kina do të punojë me ShBA-në për të zgjeruar vazhdimisht listën e bashkëpunimit

Pekin, 14 maj medial.mk/ – Zëdhënësja e Ministrisë së Tregtisë të Kinës He Yongqian u shpreh të enjten në një konferencë shtypi se pala kineze është e gatshme të punojë me palën amerikane, duke ruajtur parimet e barazisë, respektit dhe përfitimeve të përbashkëta, për të zgjeruar pandërprerë listën e bashkëpunimit duke zvogëluar listën e problemeve dhe për të nxitur zhvillimin e shëndetshëm e të qëndrueshëm të marrëdhënieve ekonomiko-tregtare midis Kinës dhe ShBA-së.

Duke iu përgjigjur pyetjes së gazetarit lidhur me konsultimet ekonomiko-tregtare Kinë-ShBA të zhvilluara ditët e fundit në Seul të Koresë së Jugut, He u shpreh që, të udhëhequr nga konsensusi i rëndësishëm i arritur nga krerët e shtetit të Kinës dhe ShBA-së dhe duke u bazuar në parimet e respektit të ndërsjellë, të bashkëjetesës paqësore dhe të përfitimeve të përbashkëta, të dyja palët zhvilluan shkëmbime të sinqerta, të thella e konstruktive në lidhje me zgjidhjen e problemeve ekonomiko-tregtare me interes të ndërsjellë dhe me zgjerimin e mëtejshëm të bashkëpunimit dypalësh.