Trump ultimatum Zelenskyt për marrëveshjen për mineralet e ralla: Ose pastaj mund të mos jesh shumë i lumtur

Ai shtoi se SHBA-të “po ia dalin shumë mirë me Rusinë”, duke shtuar se mund të arrihet një marrëveshje me Moskën për të “ndaluar vrasjen e miliona njerëzve të tjerë potencialisht.

Ndryshe, kjo deklaratë vjen pasi Zelensky hodhi poshtë marrëveshjen, e cila kërkonte t’u jepte kompanive amerikane 50 për qind të pronësisë së depozitave të mineraleve të rralla të Ukrainës.

Trump kohët e fundit kishte shtyrë marrëveshjen dhe më parë kishte deklaruar se ai dëshiron “ekuivalentin e 500 miliardë dollarëve minerale të rralla” në këmbim të ofrimit të vazhdueshëm të ndihmës nga SHBA.

Presidenti ukrainas e hodhi poshtë marrëveshjen sepse ai argumentoi se ajo “nuk është gati ta mbrojë interesin e Ukrainës”, duke mos i dhënë asnjë garanci sigurie.

Zelensky që atëherë ka udhëzuar ekipin e tij që të punojë në hartimin e një kundërpropozimi ndaj marrëveshjes së Trumpit që përfshin garanci të qarta sigurie, duke lejuar ende qasjen e SHBA-së në depozitat e saj minerale.