Grupi i Shtetit Islamik (SHI), i mundur në Irak dhe Siri, sot njoftoi vdekjen e liderit të tij Abu Hasan al-Hashimi al-Kurashi, duke saktësuar se ai është vrarë “duke luftuar kundër armiqve të Zotit”.
Në një mesazh audio, zëdhënësi i grupit xhihadist, Abu Omar al-Muhaxhir, njoftoi se ishte emëruar një “kalif i ri i myslimanëve”, Abu Al-Hysein al-Hyseini al-Kurashi.
Zëdhënësi në mesazhin e tij nuk tregoi se si vdiq lideri i grupit, i cili është irakian.
Pas ngritjes në vitin 2014 në Irak dhe Siri, dhe pushtimit të territoreve të mëdha, SHI përjetoi përmbysjen e “kalifatit” të vetëshpallur nën ndikimin e ofensivave të njëpasnjëshme në këto dy vende, në vitin 2017 dhe 2019.
Që atëherë, organizata është destabilizuar disa herë duke vrarë ose arrestuar drejtuesit e saj.
Udhëheqësi i parë i SHI, Abu Bakër al-Bagdadi al-Kurashi, u vra në një sulm amerikan në Siri në vitin 2019 dhe pasardhësi i tij u eliminua në shkurt në një operacion nga forcat speciale amerikane në veriperëndim të atij vendi.
