Gjeologjia e ishullit vullkanik të Trindadit të Brazilit i ka magjepsur shkencëtarët prej vitesh, por zbulimi i shkëmbinjve me mbetje plastike në këtë parajsë të largët të breshkave po shkakton alarm.
Plastika e tretur është pjesë përbërëse e shkëmbinjve në ishull, i cili ndodhet 1140 km nga shteti brazilian juglindor, Espiritu Santo, dhe kjo, thonë shkencëtarët, është dëshmi e rritjes së ndikimit të njerëzve në ciklet gjeologjike të Tokës.
“Është e re dhe në të njëjtën kohë e tmerrshme sepse ndotja ka hyrë në sferën e gjeologjisë,” tha Fernanda Avelar Santos, një gjeologe në Universitetin Federal të Paranës.
