Sanksionohen 41 automjete me të cilat kryhet transport publik i udhëtarëve, 16 me frena me defekt

Shkup, 18 maj – Policia ka zbatuar kontroll në territorin e Republikës së Maqedonisë Veriore për sanksionimin e kundërvajtjeve të automjeteve që kryejnë transport publik të udhëtarëve, ku janë sanksionuar 41 automjete, informoi Ministria e Punëve të Brendshme.

Prej tyre, 16 janë sanksionuar për shkak të defektit të frenave, 14 për shkak të defektit të aparatit drejtues, si dhe llojeve të tjera të parregullsive”, thuhet në kumtesë. Nga MPB-ja shtojnë se kontrollet vazhdojnë edhe në ditët në vijim dhe u bëjnë apel pjesëmarrësve në trafik që t’i respektojnë rregullat dhe dispozitat për një komunikacion më të sigurt.