Sanksionohen 241 shoferë në Shkup

Shkup, 21 shtator – Gjatë kontrolleve të djeshme të komunikacionit në territorin e Qytetit të Shkupit janë shqiptuar gjithsej 241 masa, nga të cilat 22 sanksione për drejtim automjeti mbi shpejtësinë e lejuar, 36 masa për drejtim automjeti pa patentë shofer, tre masa për drejtimin e automjetit nën efektin e alkoolit.

Siç informon MPB-ja, janë shqiptuar 28 masa për automjete të paregjistruara, gjashtë sanksione për shoferë fillestar, 22 sanksione për përdorim të celularit, nëntë masa për kalim të sinjalit të mbyllur (semafor të kuq).

“Vazhdojnë kontrollet e forcuara të veprimit. Apelojmë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, kumtoi MPB.