Rikthehen protestat në rrugët e Beogradit, ku opozita kërkon anulimin e zgjedhjeve lokale të dhjetorit duke thekuar se ato u munipuluan nga presidenti Vuçiç.
Edhe raportet e vëzhguesve ndërkombëtare kanë nënvizuar se zgjedhjet në Beograd u karakterizuan nga parregullsi të shumta.
Në Beograd, disa mijëra njerëz u mblodhën para selisë së komisionit shtetëror zgjedhor, duke brohoritur “hajdutë”, ndërsa liderët e opozitës folën para protestuesve duke denoncuar mashtrimet në zgjedhje.
“Ne nuk duhet të heshtim për këtë,” u shpreh një nga protestueset duke shtuar se protesta është fillimi i dickaje të madhe.
Presidenti serb u shfaq në televizionin shtetëror RTS të hënën në mbrëmje, duke deklaruar se “zgjedhjet ishin të drejta” dhe se ai donte “t’u thoshte njerëzve të mos shqetësohen … paqja, ligji dhe rendi do të mbizotërojë”.
Në një deklaratë paraprake, një mision i përbërë nga përfaqësues të mbikëqyrësve ndërkombëtarë tha se votimi ishte “e dëmtuar nga retorika e ashpër, paragjykimet në media, presioni ndaj punonjësve të sektorit publik dhe keqpërdorimi i burimeve publike”.
