Ramadan Imeri i bashkohet VLEN-it – Izet Mexhiti: Edhe drejtuesit e BDI-së po zgjedhin ndryshimin
Dibër, 22 qershor- Kreu i Lëvizjes Demokratike, Izet Mexhiti ka bërë të ditur sot se Ramadan Imeri, nënkryetar i BDI-së në Dibër dhe njëherazi drejtor i shkollës së mesme “28 Nëntori”, i është bashkuar koalicionit opozitar VLEN, shkruan Zhurnal.mk.
Përmes një njoftimi publik, Mexhiti tha se vendimi i Imerit për t’iu bashkuar VLEN-it është tregues i qartë se ndryshimi po ndodh edhe brenda vetë strukturave të BDI-së.
“Kur edhe drejtuesit e tyre zgjedhin ndryshimin, është e qartë kush përfaqëson të ardhmen,” – deklaroi Mexhiti.
Kjo lëvizje shihet si një tjetër goditje për BDI-në në prag të zhvillimeve të rëndësishme politike në vend, ndërsa VLEN vijon të forcojë radhët me figura të njohura nga terreni politik dhe institucional shqiptar në Maqedoninë e Veriut.
