Osmani në Këshillin e Evropës kërkoi që të pranohet Kosova

Torino, 20 Maj – Sot, kryediplomati i Maqedonisë së Veriut, Bujar Osmani ka marrë pjesë në seancën e Komitetit të Ministrave të Këshillit të Evropës, në Torino.

Ministri Osmani kërkoi që të pranohet Republika e Kosovës në Këshillin e Evropës.

“Përderisa Këshilli i Evropës përjashtoi vendin (Rusinë) i cili i shkeli vlerat themelore të organizatës, duhet ta mbështesin kërkesën e Kosovës si shtet që i pasqyron gjithë vlerat e kësaj organizate”, tha i pari i Diplomacisë së Maqedonisë së Veriut.