Ngjarje “Të rinjtë e marrin Qeverinë#”

Shkup, 12 maj – Pjesëmarrësit në konferencën rajonale për të rinj #ThinkForward: Youth Action NOW !, organizuar nga Delegacioni i BE-së dhe Shtëpia e Evropës dhe mbështetur nga Këshilli për Bashkëpunim Rajonal (RCC) dhe Zyra Rajonale për Bashkëpunim Rinor (RYCO) do ta marrin sallën formale në Qeverinë e Republikës së Maqedonisë së Veriut për të prezantuar zgjidhjet e çështjeve në tri fusha para kryeministrit Dimitar Kovaçevski dhe anëtarëve të Qeverisë, njoftuan nga Delegacioni i BE-së në vend..

Delegacioni i Bashkimit Evropian dhe Shtëpia e Evropës këtë vit shënojnë Ditën e Evropës në kontekstin e vitit 2022 si Viti Evropian i Rinisë.

Tridhjetë aktivistë të rinj dhe ambasadorë të rinj evropianë nga Maqedonia e Veriut dhe vende të tjera të Ballkanit Perëndimor kaluan dy ditë duke diskutuar zgjidhjet në lidhje me bashkëpunimin dhe pajtimin rajonal, shëndetin mendor dhe ndryshimet klimatike / marrëveshja e gjelbër e BE-së.

Këto fusha janë të lidhura ngushtë me Objektivat Evropiane për Rininë, përkatësisht janë me interes për të rinjtë nga e gjithë Evropa. Me qëllim mbështetjen, angazhimin dhe fuqizimin, konferenca promovoi vlerat evropiane midis të rinjve në të gjithë Ballkanin Perëndimor (BP6), theksuan nga Delegacioni i BE-së.

Marrja e Qeverisë është përfundimi i konferencës rajonale. Në prani të ambasadorit Dejvig Gir, tre raportuesit e emëruar – Bledni Hodai për Bashkëpunim dhe Pajtim Rajonal, Mimoza Searmifovska për Shëndetin Mendor dhe Marija Burgieva për Ndryshimet Klimatike / Marrëveshja e Gjelbër të BE-së – do të prezantojnë rezultatet e diskutimeve të konferencës para kryeministrit Kovaçevski dhe anëtarët e qeverive.

Qëllimi i “ndërmarrjes” është të lehtësojë një diskutim të drejtpërdrejtë mes rinisë dhe ministrave resor, zëvendësministrave dhe zyrtarëve të qeverisë. Në përputhje me synimet e Vitit Evropian të Rinisë, kjo ngjarje do të nxjerrë në pah rëndësinë e rolit aktiv të të rinjve në shoqëri për ndërtimin e një të ardhmeje më të mirë