Linda Halimi publikon bisedën e fundit me muzikantin që vdiq dje Lind Ibrahimi

Dje (e martë) ka ndërruar jetë muzikanti nga Gjilani, Lind Ibrahimi.

32-vjeçari thuhet se u gjet pa shenja jete në banesën e tij në lagjen Kalabria, ndërsa nuk janë bërë të ditura shkaqet e vdekjes së tij.

Për rastin tragjik kishte reagime të shumta miqtë dhe të afërmit e tij në rrjete sociale, teksa një i tillë erdhi edhe nga këngëtarja e njohur, Linda Halimi.

Foto: Lind Ibrahimi/Instagram

Halimi thuhet se kishte lidhje familjare me të ndjerin më saktë ai ishte djali i tezës së saj.

Këngëtarja ka ndarë në llogarinë e saj bisedën e fundit me të në të cilën ata kishin lënë të takoheshin me njëri-tjetrin.

Foto: Linda Halimi/Instagram

Ndërkohë, theksojmë që Lindi kishte një karrierë të pasur artistike, ai ka kryer shkollën e muzikës në Gjilan ndërsa ishte i angazhuar edhe me mbrëmje muzikore në vend.

Foto: Linda Halimi/Instagram