Kapet me kokainë, arrestohet i riu në Tiranë

Një 27-vjeçar është vënë në pranga nga policia në Tiranë pasi është kapur me kokainë të ndarë në doza gati për shitje.

Policia bën të ditur se në pranga është vënë shtetasi me iniciale K. L., banues në Tiranë

“Në bulevardin “Bajram Curri”, Tiranë, shërbimet e Komisariatit të Policisë Nr. 2 kanë lokalizuar dhe arrestuar në flagrancë shtetasin K. L., të cilit, gjatë kontrollit fizik, i janë gjetur dhe sekuestruar në cilësinë e provës materiale një sasi lënde, e dyshuar narkotike kokainë, e ndarë në doza, gati për shitje dhe shuma parash, të dyshuara të përfituara nga ky aktivitet i paligjshëm”, ka theksuar policia.

“Nga veprimet hetimore të kryera ka rezultuar se ky shtetas, pasi siguronte lëndën narkotike kokainë, e ndante atë në porcione të vogla, të cilat i shiste më pas, në zona të ndryshme të Tiranës”, bën të ditur policia.