Arrestohen dy grabitës nga rajoni i Shkupit

Shkup, 16 gusht – Policët nga SPB Shkup – Stacioni policor Gazi Babë sot i privuan nga liria J.N. (25) nga fshati Jurumleri dhe K.A. (23) nga Shkupi, të cilët janë kapur menjëherë pas kryerjes së veprës penale “vjedhje e rëndë në mënyrë të pacipë”, me ç’rast nga shkupjania 77 vjeçare kanë marrë stoli personale.

Siç informon MPB-ja, Sektori për punë kriminale Gazi Babë ka dorëzuar kallëzim penal deri në Prokurorinë kompetente Themelore Publike sipas nenit 236 paragrafi 1 pika 3 nga Kodi Penal dhe të dy personat kanë dalë para gjykatësit të procedurës paraprake, me ç’rast J.N. i është shqiptuar paraburgim, ndërsa për K.A. do të shqiptohen masa sigurie.