Nëpunës policorë të Njësitit për Tregti të Palejuar me Drogë pranë SPB Shkup, Njësitit të Policisë Intervenuese pranë SPB Shkup dhe Njësisë për Delikte Pronësore dhe Delikte të të Miturve pranë Njësitit të Punëve të Brendshme Qendër dhe Bit Pazar kanë kryer kontrollime aksionale ndaj objekteve gastronomike në rajonin e Qendrës në Shkup me çka janë arrestuar 12 persona dhe është gjetur drogë.
Gjatë kontrollit nga liria janë privuar 12 persona, edhe atë: F.S. (21), B.L.(22), të dy nga Shkupi dhe D.Ç. (43) nga R. e Turqisë për arsye se tek ata është gjetur marihuanë, GJ.N. (41), N.G. (32), D.S. (27), P.K.(24), H.V. (38), A.K. (37) dhe D.S.(23), të gjithë nga Shkupi dhe I.G. (42) nga Manastiri, për arsye se tek ata është gjetur dhe sekuestruar kokainë dhe T.T. (25) nga Shkupi, për arsye se tek ai është gjetur marihuanë dhe amfetaminë, njoftoi Ministria e Punëve të Brendshme.
Pas dokumentimit të plotë të rastit kundër tyre do të parashtrohen kallëzime përkatëse.
