Aksident në Lezhë-Shkodër! Mjeti del nga rruga dhe përplaset me barrierat anësore, drejtuesi përfundon në spital
Një aksident me pasojë një të lënduar ka ndodhur mëngjesin e sotëm në aksin Lezhë-Shkodër, pranë fshatit Gocaj.
Një automjet ka dalë nga rruga dhe është përplasur me barrierat anësore.
Për pasojë ka mbetur i plagosur drejtuesi i mjetit, i cili është dërguar me urgjencë për ndihmë mjekësore në spital.
Ndërkohë, policia e cila ka mbërritur në vendin e ngjarjes, ka nisur hetimet për zbardhjen e shkaqeve dhe rrethanave të këtij aksidenti.
