Shkup, 15 gusht – Me ekspozita, demonstrime të gjërave që janë mësuar dhe ndarje të certifikatave për pjesëmarrje në parkun para ndërtesës së komunës, u shënua përfundimi i manifestimit “Shkolla verore 2022”. Nxënësit nga shkollat fillore nga komuna e Gostivarit në gjashtë javët e fundit kanë ndjekur kurse dhe kanë ndjekur përmbajtje nga shumë fusha (muzikë, sport, arsim, art, teknologji) sipas një programi të përgatitur nga edukatorë profesionistë.
Njeriu i parë i komunës, para solemnitetit për ndarjen e falënderimeve për vullnetarët, përmendi se ditët e kaluara një numër i madh i nxënësve pushimet verore e kaluan në sport, mësim dhe rekreacion.
“Kjo ide e bashkëqytetarit tonë realizohet për kënaqësinë e të gjithëve. Këtë herë u tregua se një ide e mirë kërkon vullnet, e jo para. Këtë e kanë treguar në veprim trajnerët dhe edukatorët që janë punësuar pa dëmshpërblim. Në këtë shkollë, sipas afiniteteve, fëmijët shprehën talentet që posedojnë dhe mësuan gjëra që nuk mund t’i ndjekin në arsimin e rregullt”, tha Arben Taravari, kryetar i komunës së Gostivarit.
