Will Smith i kërkon falje Chris Rockut pas goditjes me shuplakë në ceremoninë e ndarjes së çmimeve “Oscars”

Will Smith ka kërkuar falje për goditjen me shuplakë të Chris Rockut në ceremoninë e “Oscars” të së dielës mbrëma (27 mars), duke thënë se sjellja e tij ishte ‘e papranueshme dhe e pafalshme’ dhe se ndihet ‘i turpëruar’.

53-vjeçari në një postim në Instagram ka shkruar se është ‘turpëruar’ nga veprimet e tij, të cilat tronditën të pranishmit, producentët dhe shikuesit e ceremonisë.

“Dhuna në të gjitha format e saj është helmuese dhe shkatërruese”, shkroi ai.

Foto: Getty Images

“Sjellja ime në ndarjen e çmimeve Oscars mbrëmë ishte e papranueshme dhe e pafalshme. Shakatë në kurriz timin janë pjesë e punës, por një shaka për gjendjen shëndetësore të Jadës ishte e tepërt për mua dhe reagova emocionalisht”, tha tutje ylli i filmit.

“Dëshiroj të kërkoj falje publike ty, Chris. Isha jashtë linjës dhe gabova. Jam në siklet dhe veprimet e mia nuk ishin tregues i mashkullit që dua të jem. Nuk ka vend për dhunë në një botë dashurie dhe mirësie”, shkroi Will.

Foto: Chris Pizzello/AP

Smith më pas vazhdoi t’u kërkoi falje organizatorëve dhe producentëve të shfaqjes, shkruan DailyMail.

Aktori gjithashtu kërkoi falje për familjen e Venusit dhe Serena Williams.

Foto: Getty Images

Menjëherë pasi goditi Rockun, Smith fitoi çmimin për “Aktorin më të mirë” për portretizimin e babait të tyre Richard – por historia e familjes së tyre u la në hije nga sulmi i Smith.

Richard Williams – të cilin fituesi i Oskarit e portretizon në Mbretin Richard – tha pas sulmit se ai dënon dhunën.

https://www.instagram.com/p/CbqmaY1p7Pz/

“Dëshiroj t’i kërkoj falje familjes Williams dhe familjes sime të mbretit Richard. Më vjen thellësisht keq që sjellja ime ka njollosur atë që ka qenë një udhëtim i mrekullueshëm për të gjithë ne. Unë jam një punë në progres. Sinqerisht, Will”, përfundoi fjalën e tij Smith.

Kërkim falja e tij erdhi pasi grupi që shpërndau çmimet “Oscars” të hënën (28 mars) dënoi veprimet e Smith dhe tha se kishte filluar një rishikim zyrtar të incidentit që hodhi hije mbi nderimet e filmit.

Smith u ngjit në skenë gjatë transmetimit të drejtpërdrejtë televiziv dhe goditi Rock në fytyrë pasi komediani bëri një shaka që kishte të bënte me bashkëshorten e tij.

Rock në anën tjetër nuk i është përgjigjur faljes së Smithit, apo nuk ka komentuar publikisht as incidentin e së dielës mbrëma.