Tunizianët sot votojnë në referendum për kushtetutën e re, për të cilën kritikët e presidentit Kais Said frikësohen se mund të shkatërrojë demokracinë që doli nga revolucioni i vitit 2011, duke i dhënë atij kompetenca pothuajse të plota.
Votimi do të bëhet në përvjetorin e lëvizjes së papritur të Saidit kundër parlamentit të zgjedhur, kur ai rrëzoi qeverinë, vendosi gjendjen e luftës dhe filloi të qeverisë me dekret.
Nuk dihet se kur do të shpallen rezultatet pasi qendrat e votimit mbyllen në orën 21.
Duke pasur parasysh entuziazmin jashtëzakonisht të ulët në mes shumicës së tunizianëve dhe bojkotin e partive kryesore, analistët presin që rezultati i votimit të jetë “për”, me një pjesëmarrje të ulët votuesish.
Said i paraqet lëvizjet e tij si themelin e një republike të re tuniziane që synon të kthejë revolucionin në rrugën e duhur dhe t’i japë fund viteve të bllokimit politik dhe stagnimit ekonomik. Armiqtë e tij e akuzojnë atë për grushtshtet.
