Fikayo Tomori ka perfunduar në faqen e parë të La Gazzetta dello Sport këtë mëngjes. Mbrojtësi anglez ka dhënë një intervistë të gjatë, ku ka folur për shokët e skuadrës, sezonin dhe objektivin e kampionatit. Rruga e ndjekur nga Milani duket se është vërtet e duhura.Mbrojtesi anglez nuk ka dyshime: “Duhet të vazhdojmë këtë rrugë dhe mënyra se si i afrohemi ndeshjeve po jep rezultate.
Shpresojmë të kemi diçka për të festuar në fund të sezonit. Tani duhet të këmbëngulim: nëse është e mundur, te luajme edhe më me intensitet dhe përqendrim. Do të jenë elementë themelorë.E dëshmuam në Napoli: ne e dimë rrugën përpara për të arritur atje ku duam të shkojmë. Dhe tani çdo ndeshje, nga këtu deri në fund, do të jetë gjithnjë e më vendimtare”. Sa i perket sfidës ndaj Cagliarit: “Unë u them tifozëve tanë se ne i marrim dhe do t’i marrim shumë seriozisht të gjitha ndeshjet, pavarësisht se ndaj cilit luajmë në renditje. Të gjithë kundërshtarët mund të rezultojnë të rrezikshëm”.Kundërshtarët e Scudettos – “Interi është një ekip i shkëlqyer, Napoli ka cilësi. Më pëlqejnë edhe Juventusi dhe Roma. Unë nuk mendoj se ka një më të mirë se të tjerët, nëse ka ndonjë gjë, secila ka pika të forta dhe të dobëta. Ashtu si ne, në fund të fundit, ne kemi karakteristika që mund të na lejojnë të fitojmë kundër kujtdo. Në fund, klasifikimi do të tregojë se kush ishte më i miri: sot na shpërblen ne dhe pikat tona të forta”.Të mësuar me fitoren – “Kemi kampionë të mëdhenj që na ndihmojnë dhe na tregojnë rrugën – vazhdon Tomori -.
Maignan fitoi kampionatin e fundit francez me Lille, Giroud ngriti Kupën e Botës, Ibra ka një mentalitet të çmendur. Dhe në staf ka njerëz kompetentë dhe fitues si Dida dhe Bonera.Kur ky grup punon, e bën këtë me përqendrim të madh. Jemi të rinj, por të vendosur. Jemi rritur jashte mase nga viti ne vit dhe ky eshte aspekti pozitiv i aventures tone. Jam i bindur se kemi te gjitha perberesit per te vazhduar keshut perpara”.Ibra – “Që kur kam ardhur ai më ka përsëritur vetëm një fjalë: të fitoj. Fitore në çdo situatë, në stërvitje, në një ndeshje. Nga dhoma e zhveshjes në fushë zëri i tij dëgjohet gjithmonë. Ai vazhdimisht na inkurajon dhe jep një kontribut të madh për të na mbajtur gjithmonë të fokusuar. Ai është i pari që tregon nëse duhet të vrapojmë më shumë apo të mbrohemi më mirë”.
