“The Voice Australia” shënon rritje të madhe të shikueshmërisë – renditet si ngjarja e dytë më e shikuar në kontinent pas Lojërave Olimpike

“The Voice Australia” është aktualisht ndër emisionet më të ndjekura në kontinentin australian.

Konkursi i këndimit tërhoqi 1.066 milion shikues të martën, duke e bërë atë shfaqjen argëtuese më të shikuar të natës, shkruan DailyMail.

Kjo shënoi natën e tretë radhazi që programi kishte sjellë më shumë se një milion shikues në pesë qytetet kryesore – Sydney, Melbourne, Brisbane, Adelaide dhe Perth.

Në të kundërt, Australian Survivor i Channel 10 kishte një audiencë prej 664,000 shikuesish në orarin 7:30 pasdite, duke mposhtur “The Nine’s The Block” i cili kishte 634,000 shikues.

Episodi i dytë i “The Voice” kishte regjistruar 1,162,000 shikues të hënën.

Por ishte premiera e sezonit të së dielës që me të vërtetë tronditi valët e televizorit, duke shënuar nisjen e saj më të madhe në pesë vjet me 1.33 milion shikues në kryeqytetet.

Foto: The Voice Australia/Instagram

Kjo shifër u rrit në 1.91 milion në shkallë vendi, kur u përfshinë shikuesit rajonalë.

“The Voice Australia” pothuajse dyfishoi audiencën e shfaqjes “The Block” (747,000 shikues) të dielën, dhe gjithashtu la prapa “Survivor Australian” (609,000).

“The Voice Australia” organizohet nga Sonia Kruger këtë vit, dhe paneli i tij i jurisë përfshin emrat e njohur si: Rita Ora, Guy Sebastian, Jessica Mauboy dhe Keith Urban.

Foto: Channel Seven

Shfaqja pati një epërsi të fortë pas dy javësh të mbulimit të Lojërave Olimpike të Tokios në Channel Seven, e cila pa që rrjeti arriti një përqindje të lartë të audiencës.

“The Voice” gjithashtu ishte promovuar në mënyrë agresive gjatë Olimpiadës.

Sezoni i ri ka një buxhet më të vogël dhe format më të thjeshtë në krahasim me vitet e mëparshme.

Foto: Channel Seven

Channel Seven uli kostot e prodhimit në 20 milionë dollarë, me gjysmën e asaj që thuhet se është shpenzuar për pagat e trajnerëve të spektaklit.

Channel Seven fitoi të drejtat për “The Voice Australia” pasi Nine nuk arriti të rinovojë kontratën e saj vitin e kaluar pas nëntë sezoneve. /Telegrafi/

Foto: Channel Seven