Tesla do të tërheq 48 mijë automjete në SHBA

Tesla po tërheq rreth 48 mijë automjete Model 3 Performance në Shtetet e Bashkuara, sepse ato mund të mos shfaqin shpejtësimatësin derisa janë në “Track Mode”, tregojnë dokumentet e publikuara të premten.

Sipas medieve të huaja, tërheqja mbulon automjetet nga viti 2018 deri në vitin 2022.

Tesla do të kryejë një përditësim të softuerit përmes ajrit për të adresuar problemin. Tesla tha se një përditësim i firmware i lansuar në dhjetor e hoqi pa dashje njësinë e shpejtësisë nga ndërfaqja e përdoruesit.

Administrata Kombëtare e Sigurisë së Trafikut në Autostrada (NHTSA) tha se automjetet nuk përputhen me një standard federal të sigurisë së automjeteve motorike dhe nëse shoferët nuk e dinë se sa shpejt po udhëtojnë, kjo mund të rrisë rrezikun e një përplasjeje.

Gjatë vitit të kaluar, Tesla ka lansuar më shumë tërheqje, duke përfshirë disa nën presionin e NHTSA-s.