Sot (e premte) rikthehet futbolli në BKT Superligën e Kosovës, me një ndeshje në orar për t’u zhvilluar gjatë ditës së sotme.
BKT Superliga e Kosovës ishte në pushim dy javor shkaku i ndeshjeve ndërkombëtare, ku fokusi ishte te Përfaqësuesja e Kosovës.
Megjithatë, kampionati elitar i Kosovës do të rikthehet sot dhe vetëm një ndeshje është në orar për t’u zhvilluar.
Dukagjini dhe Malisheva luajnë në ‘duelin e mbijetesës’ pasi të dy skuadrat kanë objektivin mbetjen në Superligë.
Klubi nga Klina është nikoqir dhe i pret malishevasit në stadiumin “18 Qershori”.
Ky duel pritet të fillojë nga ora 14:00.
