SHBA-ja nesër do të jetë nikoqire e takimit virtual të përfaqësuesve të 14 vendeve të cilat janë përfshirë në Kornizën negociuese indo-paqësor (KNIP), ndërsa Uashingtoni tenton t’i zgjerojë lidhjet me Azinë.
Nikoqir i takimit do të jetë përfaqësuese tregtar i SHBA-së, Ketrin Taj dhe ministrja e Tregtisë, Xhina Raimondo.
Uashingtonit i mungoi një shtyllë për lidhjet e veta në rajonin indo-paqësor, pasi ish-presidenti Donald Tramp u largua nga Marrëveshja tregtare paqësore dhe e la të hapur terrenin për Kinën për ta zgjeruar ndikimin e vet
Përveç SHBA-së në KNIP marrin pjesë edhe Australia, Brunei, Fixhi, India, Indonezia, Japonia, Koreja e Jugut, Malajzia, Zelanda e Re, Filipinet, Singapori, Tajlanda dhe Vietnami.
Temat në takimin e nesërm do të përfshijnë tregtinë, zinxhirët e furnizimit, energjinë e pastër, infrastrukturën, tatimet dhe luftën kundër korrupsionit.
