Shkup, 3 gusht – Një ekip i Bankës Popullore për edukim financiar në gjysmën e parë të vitit 2022 përmes prezantimeve edukative, përgatitjeve dhe materialeve edukative dhe organizimin e garave, vazhdoi të punojë për përmirësimin e mëtejshëm të edukimit financiar të popullatës. Që nga fillimi i vitit janë mbajtur 32 ligjerata, ku janë përfshirë 1.594 nxënës, 88 mësimdhënës dhe profesorë nga shkollat fillore dhe të mesme.
Siç informon Banka Popullore, me qëllim të përfshirjes më të madhe të studentëve nga zonat rurale, në mars të vitit 2022, gjatë kohës së mbajtjes së javës globale të parave, u organizua një karvan, i cili përfshinte tetë shkolla, 443 nxënës dhe 35 mësues nga zonat rurale.
Gjatë gjysmës së parë të vitit 2022, janë mbajtur gjithsej 15 mësime për shkollat e zonave rurale, me pjesëmarrje prej 46,9 për qind në ligjerimet e përgjithshme.
Vitin e kaluar është vërejtur numër rekord i dëgjuesve në ligjëratat e edukimit financiar të Bankës Popullore, me gjithsej 102 mësime të ndjekura nga 6,351 ndjekës, përfshirë nxënës, studentë dhe profesorë, në 70 shkolla të ndryshme.
Për shkak të pandemisë Kovid-19, ligjëratat në gjuhën maqedonase dhe shqipe u mbajtën online.
