Reperja e njohur nga Istogu, Rina Balaj, është duke punuar në albumin e ri njëherësh të parin në karrierë.
Këtë e ka bërë të ditur përmes një postimi të ndarë me ndjekësit në llogarinë e saj zyrtare në Instagram.
Ajo ka publikuar edhe një video, ku prezanton një ndër projektet e reja që do të vijë së shpejti.
“7 shtator. Albumi Balerina”, ka qenë përshkrimi i postimit. Reagimet në komente kanë qenë të menjëhershme, fansat e së cilës mezi po presin për këtë album.
Rina momentalisht është duke shijuar suksesin e “Cali” që e solli vetëm pak javë më parë.
Ky projekt për vetëm pak kohë ka grumbulluar mbi dy milionë klikime në YouTube.
