Presidenti meksikan, Andres Manuel Lopez Obrador sot deklaroi se presidenti amerikan Xho Bajden do ta vizitojë Meksikën në fillim të janarit në kuadër të Samitit të liderëve të Amerikës Veriore, i cili paraprakisht ishte planifikuar për në dhjetor.
Lopez Obrador e paralajmëroi vizitën e Biden në konferencë për shtyp ndërsa qeveria e tij tenton t’i zgjidhë mosmarrëveshjet e mëdha rreth politikës energjetike të Meksikës me SHBA-në dhe Kanadanë.
Lopez Obrador tha se me siguri takimi bilateral me kryeministrin kanadez Xhastin Trudo dhe takimin e tre liderëve do të vijojë pas takimit me Bajdenin.
Në bisedimet midis liderëve të vendit, ndër të tjera pritet të bisedohet edhe për marrëveshjen tregtare SHBA-Meksikë-Kanada (USMCA). Në korrik, Uashingtoni dhe Otava kërkuan që politika energjetike e Lopez Obrador të diskutohet në kuadër të USMCA-së, duke pohuar se i diskriminon kompanitë amerikane dhe kanadeze.
