Shkup, 11 shkurt – Ne kemi nevojë për një nivel më të lartë të arsimimit mediatik dhe edukimit për dezinformimet në shkollat tona fillore dhe të mesme, sepse në shënjestër është popullata e re. Një qasje e organizuar do të na mundësojë të krijojmë gjenerata që do të jenë më elastike ndaj lajmeve të rreme dhe të aftë për të formuluar pikëpamjet e tyre përmes të menduarit kritik bazuar në informacione të verifikuara. Duhet të sigurojmë kushte më të mira për punë profesionale dhe të pavarur të mediave, që nënkupton zbatimin e praktikave më të mira evropiane, deklaroi presidenti Stevo Pendarovski.
Në një fjalim hyrës në konferencën “Informacioni kundër dezinformimit: Ndërtimi i rezistencës ndaj praktikave të dezinformimit në mjedisin pas Kovidit në Maqedoninë e Veriut”, organizuar nga Këshilli euro-atlantik i Maqedonisë së Veriut, kreu i shtetit tha se në kohën kur burime informacionet janë të shumta dhe rrjetet sociale përdoren masivisht për komunikim, interneti nga një platformë informacioni mund të bëhet shumë lehtë një platformë për dezinformim, për përhapjen e lajmeve të rreme dhe propagandës.
Dezinformimi zakonisht nuk është naiv dhe i rastësishëm, theksoi ai, por është produkt i një qasjeje të planifikuar dhe të organizuar ndaj një teme të caktuar, polarizon debatin publik, për të errësuar perceptimin publik për çështje të rëndësishme dhe për të ngritur nivelin e konfliktit në shoqëri, për të gërryer kohezionin social dhe në këtë mënyrë influencon proceset politike pas minimit të besimit të qytetarëve në institucionet demokratike.
“Synimet janë zakonisht afatgjata dhe sistematike për të manipuluar publikun duke vendosur informacione të rreme, gjysmë të vërteta, fakte të shtrembëruara apo lajme tërësisht të fabrikuara me qëllimin përfundimtar për t’i shërbyer interesave apo qëllimeve të subjekteve të caktuara shtetërore dhe joshtetërore që kanë agjendat e veta specifike”, tha Pendarovski, i cili si shembull përmendi dezinformatat në pandeminë globale apo të ashtuquajturat “infodemi” që ndikojnë në efektivitetin e masave dhe politikave të kontrollit të pandemisë kanë rritur hezitimin e njerëzve për vaksinimin dhe kanë vendosur terrenin për shfaqjen e teorive më të pabesueshme të konspiracionit.
Dezinformimi nuk është një shpikje e shekullit të 21-të, tha kreu i shtetit, por digjitalizimi dhe lidhja globale e kanë bërë përdorimin e dezinformimit një armë jashtëzakonisht të fuqishme në arsenalin e teknikave hibride.
“Dezinformimi mund të destabilizojë vetë vendin dhe për këtë arsye demokracitë jo të zhvilluara rastësisht i trajtojnë ato si një kërcënim për sigurinë kombëtare. Vitet e fundit, ne gjithashtu kemi identifikuar dhe trajtuar dezinformimin si një nga kërcënimet prioritare për sigurinë tonë kombëtare. Nevoja për ngritjen e vetëdijes për ekzistencën e tyre dhe efektet e tyre meriton vëmendjen tonë të plotë si shoqëri dhe si shtet”, tha Pendarovski.
Ai theksoi se edhe vendi ynë në pandemi po ballafaqohej me cenimin e besimit të qytetarëve në NATO dhe BE, gjegjësisht me një fushatë të organizuar dezinformuese, qëllimi i së cilës, tha ai, ishte ta kthejë opinionin publik kundër organizatave euroatlantike me përdorim intensiv të kuazi-argumentet se nuk e ndihmojnë Maqedoninë e Veriut në kohën e pandemisë.
“Qëllimi i kësaj strategjie hibride ishte i qartë, qytetarët të fillojnë të mendojnë për disa organizata alternative të tjera që, kushtimisht, do të ishin më të përgatitura të na ndihmojnë në çdo kohë”, shtoi Pendarovski.
Presidenti Pendarovski porositi se forcimi i rezistencës ndaj dezinformimeve është detyrë komplekse sepse ndaj tyre duhet të ndërtohet rezistencë sistematike, por edhe personale dhe kjo mund të arrihet, tha ai, vetëm me bashkëpunim të ngushtë ndërmjet institucioneve shtetërore, arsimit, organizatave qytetare dhe mediave.
