Ohër, hotelet kërkojnë subvencione nga shteti për energjinë elektrike

Ohër, 23 Nëntor – Disa nga hotelet në Ohër tashmë janë mbyllur, ose po përgatiten ta bëjnë këtë në periudhën e ardhshme. Aranzhimet e hoteleve që do të punojnë do të kushtojnë rreth 40% më shumë për shkak të shtrenjtimit të energjisë elektrike. Hotelet më të mëdha ankohen se shteti nuk u jep energji elektrike të subvencionuar, siç është rasti me degët e tjera ekonomike.

“…Njoftimet për mbyllje janë pasojë e detyrimit tonë për të vepruar pa ndihmë për momentin”. Hotelet e mëdha nuk janë ende në atë kategori dhe ne jemi ende në tregun e hapur”, tha Ana Jançeva-menaxhere e hotelit.

Nga Ministria e Ekonomisë, thanë për Alsat se aktualisht nuk shqyrtojnë masa të tilla për sektorin e turizmit.

“Duke qenë se shumica e hoteleve në vend janë në treg të rregulluar, ato kanë çmim preferencial për energjinë elektrike”, thonë nga Ministria e Ekonomisë.

Megjithatë, nga HOTAM thonë se hotelet e mëdha, të cilat punësojnë shumicën e personave në sektorin e turizmit, janë në tregun e hapur të energjisë elektrike, ku çmimi ndryshon. Vetëm kapacitetet më të vogla janë në tregun e rregulluar. Për këtë arsye hotelierët kërkojnë që të zbatohen disa masa nga fqinjësia.

“Le të përdorim disa njohuri nga Greqia apo Kroacia, ku hotelet punojnë gjashtë muaj, mbyllen për gjashtë muaj. Shteti duhet të kujdeset për punonjësit, që nuk do të ishin në vendin e tyre gjatë këtyre gjashtë muajve…”, u shpreh Ana Jançeva-menaxhere e hotelit.

Për hotelet po vjen sërish një periudhë e vështirë, e ngjashme me pandeminë. Gjatë dimrit, hotelet më të vogla njoftuan se do të ishin të hapura, ndërsa më të mëdhenjtë ose do të mbylleshin plotësisht, ose do të funksiononin me një kapacitet të reduktuar.