Nevina Shtylla flet për fillimet e karrierës: Isha 15 vjeçe dhe që atëherë më është dashur të punoj shumë, të dështoj e të provoj sërish

Ajo momentalisht është njëra ndër prezantueset më të pëlqyera në trojet shqiptare e po ashtu edhe me një karrierë mjaft të suksesshme.

Bëhet fjalë për moderatoren Nevina Shtylla, e cila ka bërë debutimin në ekran në një moshë të re.

E njëjta së fundmi u ka dhënë mundësi fansave të pyesin më shumë rreth jetës personale, duke mos lënë anash as atë profesionale.

Nevina Shtylla (Foto: Instagram)

E pyetur se si është ndjerë në momentin e parë që ka dalë para kamerave, Shtylla nuk ka hezituar të flas për vështirësitë që ka hasur në fillimet e saj.

“Shumë emocione. Rrahje të forta. Dhe sigurisht që ajo çfarë thash ishte tjetër për tjetër nga ajo çfarë kisha planifikuar fillimisht të thoja”.

“Kam qenë 15 vjeçe dhe që atëherë më është dashur të punoj shumë, të dështoj e të provoj sërish, që të fitoj qetësinë që kam sot në skenë. Edhe pse emocionet janë më lehtësisht të kontrollueshme tani, ka ende vend për përmirësim”, u përgjigj ajo.

Nevina deri më tani ka qenë e përfshirë në disa emisione në televizionet e njohura shqiptare.