Shkup, 3 shkurt – Kryesia e Këshillit të Lidhjes së sindikatave të Maqedonisë si organ më i lartë i sindikatës, nesër nga ora 13.30 deri në 14:30 do ta bllokojë rrugën para selisë së Organizatës së punëdhënësve në qendër të Shkupit në shenjë të pakënaqësisë nga propozimi i tyre për metodologjinë e pagës minimale.
Kryetari i LSDM-së, Darko Dimovski në një deklaratë për MIA-n thotë se për ta është e papranueshme propozimi i punëdhënësve sipas të cilit paga minimale do të jetë 16.164 denarë.
Delegacioni i tyre do të marrë pjesë edhe në seancën e Këshillit ekonomik-social të caktuar për në orën 16:00 në Qeveri, ndërsa nëse nuk pranohet kërkesa e tyre për pagën minimale prej 18.000 denarëve dhe rritje graduale të të gjitha pagave të tjera, do të dalin në grevë të përgjithshme.
“Nëse në ora 16 nuk pranohen kërkesat për pagën minimale prej 18 mijë denarëve dhe rritje graduale të të gjitha pagave, greva do të të lind para se këto dy organizata të punëdhënësve edhe në të ardhmen do të vazhdojë në dëm të tyrin sepse nuk do të lejojmë dëmin ta pësojë vetëm punëtori”, theksoi Dimovski.
Dje, në seancën e Këshillit ekonomik-social nuk është arritur marrëveshje për rritjen e pagës minimale. Konsensus ka se paga minimale duhet të rritet, por jo edhe për sa ose në çfarë mënyre do të vijë tek kjo.
