Nëse nesër do të mbahej referendum për anëtarësimin e vendit në BE, mbi 81% e qytetarëve do votonin “PRO”
Shkup, 1 prill – Një rekord prej 81,10 për qind e qytetarëve të Maqedonisë, nëse nesër do të mbahej një referendum për anëtarësim në Bashkimin Evropian, do të votonin për anëtarësimin e Maqedonisë së Veriut dhe vetëm 11,20 për qind do të votonin kundër.
Këtë e tregojnë të dhënat nga Anketa Sociale Evropiane e publikuar së fundmi, e cila u prezantua këtë muaj dhe në shtetin ku Maqedonia e Veriut mori pjesë për herë të parë. Është një studim i madh krahasues që është kryer për më shumë se 20 vjet në Evropë.
Anketa e fundit e hulumtimit është realizuar në fund të vitit 2021 dhe fillim të vitit 2022 nga Instituti për hulumtime sociologjike dhe politiko-juridike nga Shkupi, përmes anketës në terren me mostër prej 1.429 të anketuarve. Në hulumtimin e fundit, qëndrimet e qytetarëve të Maqedonisë krahasohen me qëndrimet e 24 vendeve evropiane.
Hulumtimi tregon gjithashtu se në Maqedoninë e Veriut ka një gatishmëri më të madhe për të qenë pjesë e BE-së sesa në Zvicër dhe Norvegji, më saktë analiza krahasuese tregon se nëse nesër do të mbahej referendum për anëtarësimin në Bashkimin Evropian, vetëm 12 për qind e do të votonin banorët e Zvicrës, pra 22.90 për qind e banorëve të Norvegjisë.
Po ashtu, hulumtimi tregon se në Serbi përqindja e dëshirës për anëtarësim në BE është shumë më e ulët, për të qenë të saktë vetëm 46,40 për qind e qytetarëve janë pro, ndërsa 36,90 janë kundër.
