Kompania farmaceutike “Fajzer” dhe partneri i saj gjerman “Biontek” sot duhet të kërkojnë nga Drejtoria për ushqim dhe ilaçe (FDA) të miratojë përdorimin e vaksinës së saj kundër Kovid-19 për fëmijë të moshën nën pesë vjeçare.
Dy kompanitë kërkojnë nga FDA miratim për përdorim urgjent që të administrohet vaksina e saj me dy doza tek fëmijët e moshës prej gjashtë muajshe e lartë, edhe pse që në dhjetor njoftuan se vaksina nuk prodhon përgjigje imunologjike tek fëmijët e moshës prej dy deri në katër vjet, ndërsa e ngjashme e asaj për minorenët dhe të rriturit.
Dy kompanitë vendosën të shtojnë dozë të tretë në analizat e tyre klinike, lëvizje që do të mund t’i zmbrapsë përpjekjet që vaksina të bëhet e qasshme për amerikanët më të rinj.
Ekspertët shëndetësorë i kanë bërë thirrje Fajzerit dhe Biontekut që të aplikojnë në FDA për një regjim me dy doza, ndërsa presin rezultatet e një testi që përfshin një dozë të tretë. Vaksina mund të jetë e disponueshme për përdorim në fund të shkurtit nëse FDA dhe Qendrat për kontroll dhe parandalim të sëmundjeve japin miratimin përfundimtar për emergjencat.
Në ndërkohë, një kompani tjetër farmaceutike me seli në SHBA, Novaks, të hënë njoftoi se ka parashtruar kërkesë deri tek FDA për miratimin e vaksinës së saj shumë të shtyrë kundër Kovid-19 për përdorim urgjent.
Vaksina me dy doza është zhvilluar me metodë konvencionale e cila shfrytëzon proteina për ta mësuar sistemin imunologjik të trupit për ta njohur dhe bllokojë koronavirusin, e ngjashme me Sputnikun rus. Analizat klinike zbuluan se vaksina ishte rreth 90 për qind efikase në sigurimin e imunitetit të mjaftueshëm për mbrojtje nga versioni fillestar i sëmundjes dhe variantit të tyre. Ekspertët thonë se teknologjia do të mund të pranohet nga personat të cilët janë në mëdyshje nëse do të jenë të inokuluar me vaksina të zhvilluara nga Fajzer ose Moderna me teknologji paraprake të RNK-së.
