Shkup, 10 shkurt – Moti do të jetë kryesisht me diell dhe i ngrohtë. Paradite nëpër disa lugina do të ketë kushte për paraqitjen e mjegullës ose vranësirave të ulëta. Temperatura minimale do të jetë në interval prej -5 deri në 3, ndërsa ajo maksimalja do të arrijë prej 10 deri në 16 gradë.
Në Shkup në mëngjes me kushte për paraqitjen e mjegullës së lehtë, ndërsa gjatë ditës nxehtë. Temperatura minimale do të ulet deri në -2, ndërsa ajo maksimalja do të arrijë 13 gradë.
Edhe të premten moti do të jetë i ngrohtë, paradite me paraqitje të mjegullës ose vranësirës së lehtë nëpër disa lugina. Të shtunën do të fryjë erë e përforcuar veriore, temperatura sërish do të ulet për disa gradë, ndërsa vranësira do të rritet, kështu në ditët në vijim moti do të jetë me vranësira të ndryshueshme.
