Shkup, 23 mars – Kryetari i Lidhjes së Odave Ekonomike (LOE) Trajan Angelloski u bë anëtar i Bordit të drejtorëve të organizatës joqeveritare “Navigator i gjelbër për Ballkanin Perëndimor”, kuvendi themelues i së cilës u mbajt dje në Novi Sad.
Organizata joqeveritare “Navigator i gjelbër për Ballkanin Perëndimor” është shoqatë e pavarur dhe jofitimprurëse e kompanive, njësive të vetëqeverisjes lokale, si dhe institucioneve dhe organizatave të tjera nga sektori privat dhe publik, e cila punon për të reduktuar ndikimin e ndryshimeve klimatike në ekonomia dhe shoqëria rajonale në përgjithësi. Fondacioni do të funksionojë me mbështetjen e Fondit zhvillimor të Vojvodinës. Ndryshimet klimatike sjellin një sërë pasojash të reja negative për shoqërinë dhe zhvillimin e saj, të cilat mund të reduktohen ndjeshëm, e disa mund të parandalohen nëpërmjet reformave institucionale me pjesëmarrjen dhe bashkëpunimin aktiv të ekonomisë, pushtetit vendor dhe qytetarëve.
Gjatë vizitës, Angelloski u takua edhe me drejtorin e Fondit zhvillimor të Vojvodinës Goran Saviq, ku u bisedua për mundësitë për bashkëpunim në promovimin e bujqësisë dhe agrobiznesit si industri të rëndësishme, përmes shkëmbimit të përvojave dhe marrjes së praktikave të mira të aplikuara në Serbi. Angelloski u takua edhe me ministren serbe për Administratën Shtetërore dhe Vetëqeverisje Lokale Marija Obradoviq me të cilën diskutoi rolin e rëndësishëm që komunat luajnë në nxitjen e zhvillimit ekonomik lokal, stimulimin e biznesit dhe tërheqjen e investimeve.
LOE në vitin 2020 nënshkroi Memorandum bashkëpunimi me Ministrinë e Mjedisit dhe Planifikimit Hapësinor me qëllim të intensifikimit të bashkëpunimit për mbrojtjen e mjedisit në nivel kombëtar, bazuar në nevojën e promovimit të përgjegjësisë dhe llogaridhënies korporative në fushën e mjedisit, si dhe për përmirësim të mëtejshëm. të rregullores kombëtare dhe ndërkombëtare të korporatave
