Shkup, 18 janar – Lidhja Demokratike konsideron se ideja për zgjerimin e shumicës parlamentare më tepër do ta rriste pakënaqësinë te qytetarët, do të ashpërsoheshin tensionet ndëretnike dhe seriozisht do të shkeleshin principet kushtetuese për përfaqësim etnik në Qeveri, informon Zhurnal.
Sipas tyre, me përbërjen momentale të Qeverisë, janë shkelur vendimet e Marrëveshjes së Ohrit si dhe normat e badenterit dhe balanserit.
“Nëse duam institucione funksionale, kushte me prioritet për funksione udhëheqëse në Qeveri, duhet të jenë profesionalizmi, integriteti personal dhe rezistenca nga ndikime kriminale dhe partiake. Partizimi është çelësi etnik, i bllokon dhe kriminalizon institucionet”, thonë nga partia e Pavle Trajanov.
Qëndrimi LD-së është në vend bisedime për kyçje të ASH-së në Qeveri, LSDM dhe veçanërisht BDI urgjentisht të konsolidojnë gjendjen brendapartiake që të vazhdohet me reformat, veçanërisht në sistemin juridik dhe të fillohet me luftën e fuqishme dhe joselektive kundër korrupsionit.
Lidhja Demokratike thotë se në procesin e skriningut duhet të kyçen të gjitha potencilet kreative, ndërsa Parlamenti vazhdimisht të jetë i informuar./Zhurnal.mk
