Një varr masiv që përmban 17.5 ton hi njerëzor është zbuluar në veri të Polonisë, afër ish-kampit nazist të përqendrimit të Soldaut.
Tomasz Jankowski nga Instituti Kombëtar i Kujtesës së Polonisë tha se varri përmbante të paktën 8.000 viktima.
Trupat mendohet se janë djegur nga nazistët dhe hiri i tyre është hedhur në një varr masiv për të fshehur gjurmët e vrasjeve të tyre.
Nazistët vranë hebrenj, kundërshtarë politikë dhe anëtarë të elitës polake në Soldau.
Kampi i përqendrimit u ndërtua në vitin 1939 për internim dhe shfarosje dhe u përdor gjatë gjithë pushtimit nazist.
Deri në 30.000 njerëz mendohet se janë vrarë atje dhe studiuesit shpresojnë që nga analizat e ADN-së të mbetjeve të zbulojnë më shumë rreth viktimave.
Mes polakëve që u vranë ishin anëtarë të klerit dhe inteligjencës. Arkeologët kanë gjetur gjurmë veshjesh dhe sendesh të tjera, por asgjë me vlerë, që tregon se viktimat ishin zhveshur përpara se të digjeshin.
