Hepatiti akut tek fëmijët, mjeku grek: Prindërit nuk duhet të shqetësohen

Mjeku grek Gkikas Magiorkinis tha në emisionin ‘Sot’ në Euronews Albania se prindërit nuk duhet të shqetësohen lidhur me hepatitin akut tek fëmijët, sepse situata është më shumë shkencore.

Ai tha se është një situatë shumë e rrallë, por nuk duhet t’i fusë në ankth prindërit, pasi ka shumë problematika të tjera që mund të shqetësojnë fëmijët.

Virologu tregoi se në Greqi janë identifikuar deri tani 3 raste me hepatit akut tek fëmijët, të përkojnë me kriteret e OBSH, por nuk kanë qenë raste serioze.

1 nga 3 rastet ishte asimptomatik, ndërsa 2 të tjerët nuk ishin raste të rënda për rrezik jete.

“Fëmijët, të gjithë më pak se 10 vjeç, kishin probleme të vogla të stomakut dhe zorrëve, një farë temp të trupit, dhe 2 prej tyre u shtruan vetëm disa ditë në spital”, tha mjeku.