Harry Styles është kapur në një moment pasionant me një grua misterioze në Festivalin e Glastonburyt, duke i shtuar thashethemet rreth një lidhjeje të re.
Ish-ylli i One Direction, 31 vjeç, u pa duke përqafuar dhe puthur një grua në zonën VIP të festivalit të njohur britanik, ku ndodhej me një grup miqsh.
Sipas dëshmitarëve okularë dhe një video të publikuar nga The Sun, Harry ndau një puthje intime me të panjohurën në pistën e vallëzimit, shkruan DailyMail.
“Ai kishte sy vetëm për të”, tha një burim pranë ngjarjes. Dyshja qëndruan të pandashëm gjatë gjithë natës dhe veprimet e tyre sugjeronin një afërsi që nuk ishte e re.
Ky moment vjen një vit pas ndarjes së Harry-t me aktoren Taylor Russell, me të cilën pati një lidhje të përfolur, si dhe pas puthjeve publike me Emily Ratajkowski në Tokio në vitin 2023.
Edhe pse ka ruajtur një profil të ulët gjatë vitit 2025, këngëtari vazhdon të jetë në qendër të vëmendjes sa herë që del në publik.
Styles është parë gjithashtu në festivalin LIDO në Londër më herët këtë muaj dhe së fundmi u fotografua në Vatikan gjatë një momenti historik për Kishën Katolike, ku dëshmoi zgjedhjen e një Pape amerikan.
Me një pasuri prej 140 milionë dollarësh (afërsisht 130.2 milionë euro) dhe një histori të pasur lidhjesh me figura të njohura si Taylor Swift, Olivia Wilde dhe Kendall Jenner, Harry mbetet një nga figurat më të ndjekura në botën e showbiz-it – dhe momenti i fundit në Glastonbury vetëm sa e forcon këtë status.
