Giresse deklarohet për planet me Kosovën dhe përse nuk është ftuar Paqrada

Alain Giresse është deklaruar për miqësoret që Kosova do të zhvillojë ndaj Burkina Fasos dhe ndaj Zvicrës.

Trajneri i Përfaqësueses sonë ka folur rreth përgatitjeve për këto dy takimet dhe listën e lojtarëve që ka ftuar.

“Takimi ndaj Burkina Fasos dhe Zvicrës do të jenë sfida për t’u njohur me lojtarët dhe mënyrën se si do të funksionojmë”, ka thënë fillimisht Giresse.

“Fillimisht duhet të njihem me kapacitetet e të gjithë lojtarëve dhe jo të ndryshojmë të gjithë strukturën e lojtarëve. Do të vazhdojmë me dinamikën ku kemi mbetur”.

“Do të duhet që secili lojtarë të tregojë vetën për çdo objektiv që e kemi së bashku. Unë pres pyetjet e juaja (nga gazetarët) për të ditur më shumë gjendjen në të cilën jemi”.

“Dua të ju tregojë se Sahiti ka pësuar lëndim në stërvitje dhe duhet të gjejmë një zëvendësues për të. Sot do të kemi një seancë stërvitore nga ora 18:30”.

Telegrafi më pas ka bërë pyetje se përse nuk është ftuar Leart Paqrada, duke ditur formën e shkëlqyer që po kalon duke shënuar tre gola dhe duke dhënë dhjetë asistime.

“Jam në dijeni për problemet që ka pasur lojtari në të kaluarën dhe këto dy ndeshje janë më shumë për t’u njohur dhe besoj se në të ardhmen do të ftohet”, ka theksuar më tej trajneri i Kosovës.