Shkup, 22 mars – Kryetari i komunës së Çairit, Visar Ganiu, sot ka mirëpritur në takim mundësen e re nga Çairi, Sadije Dura, informon Zhurnal.
Ajo ditë më parë, në moshën vetëm 12 vjeçare, u shpall kampionia e parë femër në Maqedoninë e Veriut në mundje, si pjesë e klubit të mundjes, Liria.
Ganiu shprehet se fitorja e saj është një fitore historike edhe për të, edhe për klubin por edhe për gjithë Çairin.
Ndryshe Klubi i Mundjes “Liria” fitoi të dielën kupën e kampionit shtetëror të Maqedonisë së Veriut, në të gjitha kategoritë për grupmoshat më të reja – pioner, kadet, junior dhe senior.
