Flaka Loxha eliminohet në luftën e parë, Erza Muminoviq në të dytën në Grand Prixin e Austrisë

Xhudistet e Kosovës, Flaka Loxha dhe Erza Mumuniviq nuk kanë arritur të lënë gjurmë në Grand Prixin e xhudos që po mbahet në Austri.

Dita e sotme (e enjte) nisi me garueset Flaka Loxha dhe Erza Muminoviq, të cilët nuk është së patën fat mjaftueshëm.

Loxha u ndal në luftën e parë në kategorinë deri 57 kilogramë, pasi u mposht nga spanjollja Jaione Equisoain.

Diçka më mirë u paraqit, Erza Mumunoviq, e cila fitoi luftën e parë, po u ndal në të dytën në kategorinë deri në 52 kilogramë.

Në përballjen e xhiros së parë, xhudistja jonë fitoi me ‘ippon’ ndaj austriakes Carina Klaus-Sternwieser.

Në raundin e dytë, Erza ishte e pafat duke u mposhtur nga Gultaj Mammadaliyeva e Azerbajxhanit.

Për Kosovën do të marrin pjesë edhe Akil Gjakova (-73 kg), Laura Fazliu (-63 kg) dhe Loriana Kuka (-70kg) që ndeshen nesër (e premte), ndërsa Shpati Zekaj (-100 kg) ndeshet të shtunën.