Ervis Bici kampion evropian ne Muay Thai, kohen e fundit po merret me disa projekte filmike, ndërkohe që tani më kanë përfunduar edhe incizimet e filmit aksion komedi “Polic për kokë” qe se shpejti pritet te ketë edhe premierën e tij në Shqipëri kurse më pas edhe në disa vende botërore. Portali për sporte luftarake “ArenaRing” ka zhvilluar një intervistë mjaft interesante me Ervis Bici ku edhe ka shpalosur disa detaje nga ky film mjaft interesant.
Si po e ndien Ervisi veten ne kostumin e një artisti ?
Ndjehem shumë energjik, gjithmonë më ka pëlqyer të aktroj dhe ndjehem me fat që jam pjesë e këtij projekti të madh “Polic për koke”.- Njëkohësisht është dhe emocion, të aktrosh me aktorë të madhej shqiptarë që kanë pasur sukses është adrenalinë njësoj sikur të ngjitesh në ring.
Është Project i juaji i dyte, na thuaj me shume rreth këtij projekti ?
Në filmin me metrazh të shkurtër “Shënjestra” e projektuar nga regjisori Aldo Marku ka qen eksperiencë e bukur. Filmi aksion komedi “Polic për kokë” është një projekt gjigant ku marrin pjesë aktorë të madhej, e shumë aktorë që do jenë surprizë në kinema. Ky është një projekt i madh dhe mezi pres ta shoh, mbajeni frymën sepse diçka e madhe po vjen në kinematë shqiptare.
Çka dallon ky Project me atë te kaluarin ?
Filmi i parë ishte me metrazh të shkurtër dhe si aktor kryesorë isha unë dhe aktori shqiptarë i Kosovës Besnik Tafallari. Filmi Shënjestra ishte aksion i bukur dhe luftarak.. Por Filmi “Polic për kokë” Është një projekt gjigant, i studiuar për gati një vit nga Regjisori Aldo Marku dhe në këtë projekt marrin pjesë aktorë të mëdhenj, si Nik Xhelilaj, Olsi Bylyku, Sara Kolami, Alfred Trebicka, Arben Bajraktari, Emiljano Bufazi, Besnik Tafallari dhe shum aktorë të tjerë që do jenë surprizë për publikun.
Keni shume momente me aksione me arme, sa keni stërvit për ketë rrol kur e dimë se ju jeni sportist qe gjithnjë keni goditur me grushte, këmbe e bryla ?
Roli im në film është serial killer, pseudonimin e kam “Lupo” është një personazh mister që do e zbuloni shumë shpejt. Për këtë rol jam stërvitur me armë luftarake me ushtarak serioz që kanë marrë pjesë dhe në emisione paqësore në Irak. Në rolin tim do kemi dhe grushte por dua që të mbetet surprizë.
Sa është i mbështetur ky film ?
Ky projekt është serioz dhe ka pasur mbështetje të madhe nga sponsorët.
Ne te ardhmen beson se do arrish ne Holiwud ?
Nuk po mendoj aq larg, për momentin jam në hapat e para dhe thjesht dua po përgatitem për projektin tjetër të radhës. Në Holliwod është ëndërr për të gjithë.
Çka prêt nga ky film dhe kur do te jete premiera e tij ?
Me plot gojën mendoj që është një ndër filmat më të bukur aksion që është ber deri më sot.- Filmi më i bukur komerçal pa diskutim, Por më shumë do ja lejmë publikut ta vlerësoje. Është Fat i madh që kemi aktorë Holliudian që marrin pjesë në këtë projekt gjigant.
Na thuaj diçka edhe për artistet qe janë te përfshire ne ketë film
Siç e përmenda dhe më lart, artistët janë profesionist dhe janë të dashur për publikun. Çdo aktorë i këtij projekti ka veçantin e vet, në film ka skena shumë të forta dhe çdo personazh e ka lozur më së miri.
