Nëse keni miq të tillë, nuk keni nevojë për armiq! Një çift u grabit nga një mik i përbashkët në Stralsund. Ajo ka vjedhur në banesën e tyre gjithsej 16 mijë euro.
Çifti i bashkëshortëve, të moshës 43 dhe 51 vjeç e ndihmuan miken e tyre 34 vjeçe nga North Rhine-Ëestphalia për muaj të tërë.
Pas një divorci në qershor, asaj iu desh pak kohë që të ngrihej në këmbë, duke kërkuar mbështetje dhe një vend për të qëndruar.
Çifti e morën me dëshirë gruan që të jetonte me ta. Kur në fillim të shtatorit burri ka dashur të largohet jashtë vendit, ka vënë re mungesën e parave dhe ka bërë denoncim.
Zarfi i ruajtur në banesë me 17500 euro ishte zhdukur. Çfarë shkelje e besimit.
Gjatë hetimeve, 36-vjeçarja ka pranuar se e kishte vjedhur zarfin. Ajo përdori kartat e dhuratave dixhitale për të shlyer borxhet me huadhënës të ndryshëm gjatë një periudhe disajavore.
Nga paratë, 1500 euro kishin mbetur në një vend të fshehtë. Kështu që shumica e kursimeve të çiftit ishin zhdukur. Mikja e supozuar, tani do të duhet të përgjigjet për vjedhjen.
