Pos rezultatit, që dha shpresa të mëdha për një ecuri të mirë të Kosovës në Ligën e Kombeve, ishin edhe disa performanca individuale që mahnitën publikun.
Njëra ndër to ishte pikërisht paraqitja e Edon Zhegrovës që nuk i shpëtoi diskutimeve e duartrokitjeve.
Prishtinasi, përveç golit, dhuroi një tjetër moment magjie gjatë kësaj përballjeje.
Pasi e pranoi një top të mirë në krah të djathtë, ai e kaloi me stil lojtarin me numër 13 të Qipros, duke ia rrëshqitur topin në mes të këmbëve.
E për ta ndaluar Zhegroven, atij iu desh ta tërhiqte nga fanella, pasi në të kundërt vetëm se do të humbte kohë.
Më poshtë gjeni këtë sekuencë interesante të përballjes.
