Dita e dytë e MEF 2023, panele për diplomaci energjetike, inovacione dhe transformim

Shkup, 31 maj – Diplomacia energjetike, inovacionet teknologjike për energji dhe transformimi i energjisë përmes aksionit lokal klimatik, janë temat e paneleve, me të cilat sot do të rrumbullaksohet edicioni i gjashtë i Forumit energjetik maqedonas MEF.

Paneleve u paraprijnë fjalimet përshëndetëse të presidentit Stevo Pendarovski dhe të ish-presidentit kroat Stipe Mesiq.

Fokusi i MEF-it të sivjetshëm është tranzicioni i gjelbër dhe rezistenca energjetike.

Ditën e parë të forumit dje u dërguan mesazhe se tranzicioni energjetik, si mjet kyç në përballjen e problemeve klimatike, duhet të jetë gjithëpërfshirës, ​​të veprojë për të diversifikuar burimet energjetike, si dhe të zhvillojë tregje për të ndjekur ndryshimet.

Maqedonia e Veriut edhe një herë mori konfirmimin se ka mbështetjen e Bashkimit Evropian në zbatimin e reformave energjetike dhe se BE-ja është partneri i saj i besueshëm për përshpejtimin e tranzicionit energjetik. Janë dhënë edhe rekomandime – që të sigurohet përfshirja më e madhe e sektorit privat dhe qytetarëve në të gjithë këtë proces dhe të sigurohen projektet me metodologji dhe kritere të qarta, përmes të cilave do të përcaktohet prioriteti i investimeve.