Deputeti ukrainas ‘nxit’ Putin: Përdor armët e shkatërrimit

Një ish-deputet ukrainas që mbështet Kremlinin i ka kërkuar Moskës të përdorë armë të shkatërrimit në masë kundër atdheut të tij, mes frikës në rritje se presidenti Putin mund të lëshojë raketa bërthamore në Kiev.

“Presidenti Zelensky ka më shumë frikë nga një sulm parandalues rus”, shkroi Ilya Kiva në Telegram. “Vetëm kjo mund t’i japë fund konfrontimit të sotëm, jo vetëm me autoritetet ukrainase, por edhe me të gjithë Perëndimin.”

Kiva, 44 vjeç, ishte deputet i partisë opozitare të Ukrainës, Platforma për Jetën, deri në mars, kur ai u përjashtua nga parlamenti për mbështetjen e tij për pushtimin e Kremlinit. Ai tani besohet të jetë në Rusi dhe është akuzuar nga Ukraina për tradhti.